Nodi Khoje Hatimare Mae Jiu 113:6 - Buka Blahi Ka Cheke Holo

⁶ Mana au neu kligna ne pogho soru ne filo sukha pari mala toghodi nogna naiknore.

Nodi Khoje Hatimare Mae Jiu 113:6 ပူးပေါင်းရင်းမြစ်များ

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Nodi Khoje Hatimare Mae Jiu 138:6

Neuba iagho ne fnakno fara, iagho reireghidi koba iheire te au faparadi thedire. Nu naikno te fahaehaghedi thedire theome tangomana te poru ka iagho na.

Nodi Khoje Hatimare Mae Jiu 11:4

Lord na au ka nogna Sugablahi na. Mana au kligna mala funei frunidi naiknore, eghuteuna tathagna na mana filou ngala ka naiknore. Mana lasedi ngala unha te edi naiknore.

Profet Isaia 66:2

Iara thegu teke vuavuhadi maloa ghe nauthoglu igre baludi gobigna lepo te au ke lamnadi. “Nu iara keli tagu fara ka nafnata mae te nhaꞌa faparini thegna igne, ba mae te diꞌa nagnafadi nakhibognare, mana thofno ghatho tahu ghau iara, eghuteuna leghuni nogu cheke iara na.

Profet Isaia 6:2

Hatimare mae engel ne kegra falithuini mana. Eghuteuna mare te gnafa na sopa au namno baghi, keha phei re mala toku tafru tathagna nei foflogna teure, eghuteuna keha phei re mala toku tafru thinigna na, eghuteuna keha phei re mala flalo.

Thoutonu Eigna Mae Job 15:15

Neuba engel di kligna re, God na theome ronudi mare kolho. Uve, mare theome klino ka tathagna mana na.

Thoutonu Eigna Mae Job 4:18

Neuba engel nogna mae gloku God te au kligna re, mana theome rouronudi mare naugna mana jaola lasedi mare theome doglo.

Thoutonu Eigna Mae Job 28:24

Naugna kaisei mana ngala te filo ka namono te gnafa, eghuteuna fifilo ka gobigna lepo ka nauthoglu igne.

Nodi Khoje Hatimare Mae Jiu 33:14

Mana au neu jare ka sape nafnakno te mala funei fruni na ne filo soru ka naikno te gnafa te au teu ka nauthoglu gne.