Nodi Khoje Hatimare Mae Jiu 113:4 - Buka Blahi Ka Cheke Holo

⁴ Mana ngala mae ihei te funei frunidi naikno te gnafa ka kantri te gnafa igre. Nogna nafnakno mana na tei salaꞌuni maloa igno.

Nodi Khoje Hatimare Mae Jiu 113:4 ပူးပေါင်းရင်းမြစ်များ

Nodi Khoje Hatimare Mae Jiu 8:1

Lord, iagho nomi funei ghehati. Naikno ka namono te gnafa ka nauthoglu na igre filoni nou nolaghi biꞌo iagho na nei cheke fakeli ni God. Naikno ka namono te gnafa ka nauthoglu na igre filoni nou nolaghi biꞌo iagho na. Ghehati cheke fakelini nou nolaghi iagho na ghilei ari posa kligna.

Nodi Khoje Hatimare Mae Jiu 99:2

Lord na fnakno fara ke uludi naikno te gnafa ka kantri te gnafa igre. Mana au Saion nei mana au nolaghi biꞌo.

Nodi Khoje Hatimare Mae Jiu 97:9

Lord God, iagho King frunidi naikno te gnafa ka nauthoglu igne, eghuteuna iagho thofno fnakno fara ke uludi keha god re.

Profet Isaia 40:17

Ka tathagna God na kantri te gnafa ka nauthoglu na igre jateula te theo nafudi eghu kolho. Uve, ka mana na, naikno te gnafa gre jateula glepo te theo nafudi kolho tutuani fara.

Nodi Khoje Hatimare Mae Jiu 148:13

Tutuani fara, tahati te gnafa mala kafe kilo fnaknoni nanghagna Lord! Nanghagna mana biꞌo fara tei salaꞌudi keha nanghare, eghuteuna nogna nolaghi mana na thofno nheta salaꞌudi fara gobigna lepo te au kligna ba te au ka nauthoglu igne.

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Profet Isaia 40:22

Lord neke edi gobigna lepo igre! Mana te funei frunini nauthoglu igne jateula kaisei mae king te gnokro ka nogna sape nafnakno ra neku. Eghuteuna ka tathagna mana na naiknore ikodi nei glaꞌe jateula cheche eghu kolho. Uve, mana eni maloa gne ne krepa fara, jateula kaisei mae te horo kaisei suga tapuale te mala au tagna ra neu.

Profet Isaia 40:15

Ka God na kantri te gnafa ka nauthoglu na igre jateula glepo te theo nafudi eghu kolho. Uve, kantri te gnafa igre jateula kaisei natro khoꞌu eghu kolho, eghuteuna moumolu te gnafa igre jateula gaughavu glose eghu kolho.

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.