Nodi Khoje Hatimare Mae Jiu 112:3 - Buka Blahi Ka Cheke Holo

³ Tharaknagna mana na ginauna dedei fara nei au nodi kmana glepo te keli eghu. Eghuteuna mae te doglo ke ulugna Lord ginauna au fakeli nogna fabrahu tifa e tifa.

Nodi Khoje Hatimare Mae Jiu 112:3 ပူးပေါင်းရင်းမြစ်များ

Proveb 15:6

Mae te keli na, au nogna kmana glepo. Nu naikno te diꞌa na tabani kolho ka puhi te diꞌa.

Proveb 3:16

Gaoghatho te keli na ginauna tusu ranghi nigho dedei nei togho nigho mala au raugha ka nauthoglu igne. Eghuteuna naiknore ginauna ghatho tahu nigho iagho.

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Profet Isaia 33:6

Lord ginauna jateula thina rheta eghu, mala theome tangomana ghotilo te uka pari na. Puhi teke fakarhi ghami nei tusu ranghi ghami gaoghatho te keli nei glalase teu mana igne, tuana jateula taba biꞌo eghu te hata ghotilo ka Lord na, kate ghatho tahuni ghotilo Lord na.

Nodi Khoje Hatimare Mae Jiu 112:9

Mana tangomana te toghodi iheire te kuma, aonu puhigna mana te keli igre ginauna au fabrahu. Naiknore ginauna ghatho tahuni mana.

Fapea Korin 6:10

Mare tangomana te fadiꞌa nagnafa ghami na, nu ghehati gleale'a fabrahu kolho. Ghehati kuma fara ka nauthoglu igne, nu ghehati toghodi kmana naikno mala dedei kligna. Ghehati theo kaisei nomi glepo ka nauthoglu igne, nu ghehati thofno khotodi glepo te gnafa te au kligna.

Nodi Khoje Hatimare Mae Jiu 111:10

Mae ihei te magnahaghei mae glalase na, mana mala ghatho tahuni Lord. Uve, mana tusu lao glalase te keli ka iheire te leghudi nogna vetula mana re. Tahati kilo fnaknoni fabrahu mana.

Nodi Khoje Hatimare Mae Jiu 111:3

Gobigna lepo te edi mana igre pala hagheni nanghagna mana na, eghuteuna glepo igre fakakhana nogna nolaghi mana te mae king na. Puhigna mana te doglo fara igre ginau na au fabrahu tifa e tifa.

Profet Isaia 51:8

Naiknore ginauna dofidi jateula pohe thona te ghamu khokorosi ra eghu. Nu puhigu iara te doglo te mala toghodi nei atha fapulodi teu naiknore ginauna au fabrahu tifa tifa.”

Profet Isaia 32:17

Eghuteuna naugna te leghuni mare puhi te doglo na, mare ginauna au fabrahu ka pharikeli, eghuteuna mare ginauna au fakeli fabrahu na theome ghathoni kaisei glepo.

Thoutonu Eigna Mae Job 5:24

Iagho ginauna au ka pharikeli ka sugamu na. Kate tei filodi iagho nou sipure, iagho ginauna filodi nou sipure au keliu kolho.

Nodi Khoje Hatimare Mae Jiu 34:10

Ihei te ghatho ihoni Lord na, mana tangomana te kmoꞌe ka gano na, nu naikno te ghatho tahuni Lord na theome tangomana te kmoꞌe ka gano na.

Nodi Khoje Hatimare Mae Jiu 34:11

Ghotilo kheragu mae majaghani iara ra, ghotilo mei mala fanomho ka iara. Iara ginauna na farirhiu ghami ghotilo mala ghatho tahuni Lord.

Proveb 21:20

Mae te autagna gaoghatho te keli na au kmana glepo ka suga na, mae te fameomekro na fahuhui gobigna lepore.