Nodi Khoje Hatimare Mae Jiu 112:10 - Buka Blahi Ka Cheke Holo

¹⁰ Kate filoni naikno te diꞌare puhigna mae te doglo igne na, mare na thono diꞌa tadi fara. Mare na theome magnahagheni mae igne, nu mare theo nafudi kolho eghu. Uve, unha te magnahagheni naikno te diꞌare, theome tangomana kegra haghe ba te loku fakeli na.

Nodi Khoje Hatimare Mae Jiu 112:10 ပူးပေါင်းရင်းမြစ်များ

Luku 13:28

Mae Jisas tudu ne cheke eghu, “Ghotilo ginauna na tanhi nei diꞌanagnafa eghu kate filodi mae Ebraham, nei mae Isak, nei mae Jekop baludi hatimare mae profet tifa ra te kegra teu kau nogna nauthoglu majaghani God. Nu mare ginauna koko fakosi ghami ghotilo.

Proveb 11:7

Kate lehe naikno te diꞌa na, nogna grouronu mana na, lehe balugna mana. Eghuteuna nogna nakmusa teke edi mana re theo nafudi.

Proveb 10:28

Naikno te doglo na ofoniu Lord mala tusu ranghini narane te keli na, mana ginauna filoni nei na gleale'a fara. Nu naikno te diꞌa na ginau fiti ofo kolho na theome filoni narane te keli na.

Nodi Khoje Hatimare Mae Jiu 86:17

Lord God, falalase mei sagho te phile iagho ka iara na. Jame te eghu iagho te togho ghau nei farhetani nagnafagu iara gne teu na, naikno teke tirodi ghau iara re ginau thono mamaja nodi fara.

Nodi Khoje Hatimare Mae Jiu 37:12

Mae te diꞌa na gaoghatho mala eni puhi te diꞌa na ranghini mae te doglo na, nei diꞌatagna eghu ka mana.

Thoutonu Eigna Mae Job 8:13

Jateula tuana eghu iheire te theome ghathoni God. Mare ginauna jaola ghosei lehe jateula nafnata buburu igre eghu. Eghuteuna iheire te tei kokoni God igre, ginauna na jaola ghosei lehe jateula nafnata buburu te theo khoꞌu igre eghu.

Matiu 22:13

“Mae funei na ne cheke eghu ka keha mae glokure, ‘Haru fodu khamegna ghahegna teu mae igne mala koko fakosi ka vido te romno ana. Ka vido tuana naiknore ginauna tanhi nei diꞌanagnafa fara eghu balu khabru biꞌo.’ ”

Matiu 8:12

Eghuteuna mae Jiu te theome fatutuani gre, God ginauna na chekedi nogna engel re mala koko fajifladi ka namono te romno te theome au thegna mana na. Mare ginauna naꞌau papara jare mala tanhi nei diꞌanagnafa eghu fara.”

Nehemaea 2:10

Nu mae Sanbalat maegna ka namono Bet-Horon ghe mae Tobaea, maegna ka namono Amon, phei mae biꞌogna provins. Kate nomhini phiamare nonomho te mei iara te mala toghodi naiknodi Israel teuna, phei mare ne diꞌatadi fara.

Thoutonu Eigna Mae Job 20:7

Neuba, mae te diꞌa igne ginauna dofini fabrahu kolho jateu charagna thegna eghu. Mae iheire teke laseni na ginauna theome laseni aheva te tei na.