Nodi Khoje Hatimare Mae Jiu 111:2 - Buka Blahi Ka Cheke Holo

² Gobigna lepo te edi Lord re thofno keli fara, eghuteuna naiknore thono keli tadi fara ka nogna gloku Lord re. Mare magnahaghedi fara te lase fakelidi glepo igre.

Nodi Khoje Hatimare Mae Jiu 111:2 ပူးပေါင်းရင်းမြစ်များ

Nodi Khoje Hatimare Mae Jiu 104:24

Lord God, iagho edi kmana glepo fara. Gobigna lepo igre falalase puhimu iagho te thofno keli fara na. Uve, nauthoglu igne fodu ka thua nafnotu fateote'o teke vuavuha iagho gre.

Proveb 24:14

Gaoghatho te keli nei glalase teu igre famane mamahe fara jateula jurukuli eghu. Jame hata iagho gaoghatho te keli na, nakarhamu iagho na thofno keli fara.

Nodi Khoje Hatimare Mae Jiu 143:5

Nu kate ghatho fapulodi iara narane tela salaꞌu ari ra, iara ke ghathodi unha teke edi iagho ka ghehatira.

Nodi Khoje Hatimare Mae Jiu 139:14

Iara cheke fakeli nigho iagho naugna u nafnata puhi teke vuavuha ghau iara iagho igne thofno keli fara nei jajaglo ana eghu fara. Ka gaoghathogu fateo iara na, iara thofno laseni eidi gobigna lepo te edi iara ra e thofno keli fara.

Thakle 15:3

Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Efesus 1:19

Jaola mala filo glanini ghotilo thofno nogna nolaghi te heta fara te loku ke lamnadi iheire te fatutuani ni mana. Nolaghi biꞌo te loku ke lamnada igne u nolaghi teke fakarha fapuloni mae Kraes kau glehe ia, eghuteuna fagnokroni ka sape nafnakno fei nhetagna kligna.

Profet Daniel 4:3

“Fagaglana te fakakhana God ka tahati igre thono biꞌo fara! Kofubobhoi te edi mana igre thono nheta fara! God ginauna king fabrahu, eghuteuna mana ginauna funei fruni tifa tifa.”

Eklesiasti 3:11

Uve, God neke famane lilisei fakeli gobigna lepore ka thofno narane gna na. Eghuteuna Mana jaola farirhiu ghita mala lasedi tahati glepo teke edi mana tifare, nei unha nate edi ginaure. Nu tahati theome thofno lasedi glepo igre.

Proveb 17:16

Theome keli te foli skul fi ka mae te theome autagna gaoghatho te keli na, naugna mana ne tirogna hiohiro.

Letas Teke Riso Tei Mae Pol Ka Khiloau Rom 8:6

Tutuani, jame kaisei mae te snakreni gaoghathogna te diꞌa nate mala batuni mana na, mana ginauna lehe ka igne. Nu jame te snakreni gaoghathogna mae Tharunga te Blahi na te mala batuni na, mana ginauna hata karha nei muana eghu ka igne.

Letas Teke Riso Tei Mae Pol Ka Khiloau Rom 1:28

Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Thoutonu Eigna Mae Job 37:7

Mana fakhusudi nodi gloku naiknore, mala filo glanidi mare glepo te edi mana igre.

Thoutonu Eigna Mae Job 9:10

Tahati theome raꞌe lase fakelidi glepo te biꞌo teke edi mana re. Eghuteuna kofubobhoi teke edi mana re, thono kmana fara.

Thoutonu Eigna Mae Job 5:9

God edi glepo te biꞌo te theome tangomana kaisei naikno te lasedi re. Kofubobhoi te edi mana re, theo kaisei naikno te tangomana te kahadi re.

Profet Isaia 40:12

Ihei gne tangomanani te loku hagheni nhorora gne ka khamegna na? Ihei gne tangomana te kokhoga maloa gne ka geghesu gna na? Ihei gne tangomanani te aghu fodu ka kharaꞌo glose te gnafa ka nauthoglu igne te mala skel na? Eghuteuna ihei gne tangomanani te lasedi tahudi thogele nei gukhu teu igre?

Nodi Khoje Hatimare Mae Jiu 107:43

Ihei te au tagna glalase te keli na, ginauna ghathodi glepo igre. Mana ginauna ghathoni fabrahu eigna nogna namha biꞌo Lord ranghi ghita tahati na.

Nodi Khoje Hatimare Mae Jiu 104:34

God na faglealeꞌa ghau fara iara, eghuteuna iara magnahagheini mana te keli tagna ka nogu gaoghathore.

Thoutonu Eigna Mae Job 37:14

“Job, fanomho mei katha vido. Au kmu sagho mala ghathodi glepo biꞌo te edi God igre.

Nodi Khoje Hatimare Mae Jiu 118:15

Fanomho mei ghotilo ia, eigna tahati nogna naikno Lord, tahati mala glealeꞌa nei eha eghu ke lamnadi noda suga thapuale gre. Uve, tahati eha eghu fabiꞌo, “Ka nogna nolaghi Lord te uluni tahati u magra na.