Nodi Khoje Hatimare Mae Jiu 110:6 - Buka Blahi Ka Cheke Holo

⁶ Mana ginauna fatedi naikno te gnafa ka keha kantri are, nei falehedi gnafa nou naoka iagho gre. Uve, mana ginauna tapla sorudi gnafa hatimare mae king te gnafa heva heva ka nauthoglu igne.

Nodi Khoje Hatimare Mae Jiu 110:6 ပူးပေါင်းရင်းမြစ်များ

Nodi Khoje Hatimare Mae Jiu 68:21

Tutuani fara, God ginauna poposa phaꞌudi nogna naokare, eghuteuna rurhuja phaꞌudire naugna mare ne leghudi te fabrahu puhi te diꞌare.

Thakle 19:11

Aonu iara ne filoni maloa na ne thora, eghuteuna iara ne filoni kaisei hose vegha. Mae te saghe ka hose na nanghagna na, “Mae ihei te eni fakeli nogna gloku na, nei nogna cheke na doglo fabrahu.” Kate fatedi naiknore nei kate tei ka magra teuna, puhigna mana na jaola doglo fara kolho.

Jone 5:22

Jaola ngau mae Kmagu iara na theome fateni kaisei naikno. Nu mana la tusu meihi ka iara mae Thugna na u nolaghi te mala fate naikno na.

Profet Maeka 4:3

Eghuteuna ka narane igne, Lord ginauna fadoglidi puhi fapholai fari hoteidi keha kantri te khaba fara are. Aonu mare ginauna nake kuri naflahi mala magra ra nei nodi goru teura mala ke vuhai khodo mala dokha glose nei naflahi pekora mala kato grep. Aonu naiknogna kaisei kantri na ginauna na theome magra ka keha kantri na, ba farirhiudi mae majaghani re mala magra.

Profet Isaia 2:4

Eghuteuna ka narane igne, Lord ginauna fadoglidi puhi fapholai fari hoteidi keha kantri are. Aonu mare ginauna nake kuri naflahi mala magra ra nei nodi goru teura mala ke vuhai khodo mala dokha glose nei naflahi pekora mala kato grep. Aonu naiknogna kaisei kantri na ginauna na theome magra ka keha kantri na, ba farirhiudi mae majaghani re mala magra.

Thakle 14:20

Mana neke falehedi naikno te kmana te diꞌare ke kosigna namono biꞌo na. Kate lehe mare na, dadaradire ne thofa ne fodu ne haghe thokeni thilo gobi kilomita, sorugna na ne namo thokeni phei mita.

Profet Isaia 42:4

Gaoghathogna mana na ginauna theome glaꞌe soru, ba theome babaꞌo, ghilei thokeni narane nate fadoglidi mana puhidi naikno te gnafa heva te heva ka nauthoglu igne. Eghuteuna naikno te au ka kantri te khaba igre, ginauna ofoniu te mala nomhini nogna farirhiu mana na.”

Profet Habaku 3:13

Iagho eni igne mala fakarhidi nou naiknore balugna nodi king, mae ihei teke vavahi iagho igne. Iagho neke tapla sorudi nodi lida naikno te diꞌa igre mala theome tangomana mare teke kegra haghe na.

Profet Esikiel 39:4

Iagho baludi nou soldia, nei kheramu mae iheire te togho nigho, ghotilo ginauna lehe tafri ka thogeledi Israel. Eghuteuna iara ginauna snakredi nanghaji nei khuma mata teu are mala mei ghamu ghami ghotilo.

Profet Isaia 66:24

Ka narane te jifla mare agne Jerusalem teke figri ka namono na, mare ginauna filodi thinidi iheire teke figri tagru ghau iara tifa ra la lehehi. Mogo te ghamu ka thinidi naikno te lehe igre ginauna theome lehe, eghuteuna khaꞌaghi te gnhubra thinidi naikno te lehe igre ginauna theome lehe. Eghuteuna naiknore ginauna tirodi fara te filo lao ka thinidi naikno te lehe te siri te boto igre.” Igne chekegna Lord na.

Profet Isaia 51:5

Nogu narane iara te mala toghodi nei atha fapulodi teu naiknore la namo meihi. Ka nogu nolaghi biꞌo, iara ginauna funei frunidi keha kantri are ka puhi te doglo. Naiknodi keha kantri igre ginauna fatutuani ghau iara, eghuteuna ofo ghau iara mala toghodi.

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Profet Isaia 11:3

King igne ginauna kelitagna fara te ghatho tahuni Lord. Mana theome khogla mala fateni naikno na ka unha te nomhini nei filoni teure,

Ululahu Samuel 2:10

Lord ginauna fatedi naikno te au ka namono te gnafa ka nauthoglu igne. Mana ginauna goigonidi nogna naoka re. Mana ginauna au kligna, mala fapoha mei fila ka mare. “Eghuteuna mana ginauna tusu lao nolaghi ka king teke vavahi mana na. Uve, mana ginauna pala hagheni nei toghoni eghu mana mala ulu fabrahu.”

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Nodi Khoje Hatimare Mae Jiu 68:22

Noda Lord na neke cheke eghu hi, “Iara ginauna nake hata fapulo nogu naoka te au ka namono te gnafa ka nauthoglu igne.