Nodi Khoje Hatimare Mae Jiu 110:4 - Buka Blahi Ka Cheke Holo

⁴ Lord neke eni kaisei nhaꞌa cheke ka iagho, eghuteuna mana ginauna nake theome tughu gaoghathogna na. Mana neke nhaꞌa cheke eghu, “Iagho ginauna pris fabrahu jateula mae Melkisedek tifa ia eghu.”

Nodi Khoje Hatimare Mae Jiu 110:4 ပူးပေါင်းရင်းမြစ်များ

Hibru 7:17

Naugna kau grioriso te blahi eigna mana na, God ne cheke eghu, “Iagho kaisei mae mala pris fabrahu tifa tifa jateula mae Melkisedek.”

Hibru 5:6

Nei kaisei vido kau grioriso te blahi na neke cheke eghu, “Iagho kaisei mae mala pris fabrahu tifa e tifa jateula mae Melkisedek.”

Hibru 7:21

Nu kate pris mae Jisas na, God neke nhaꞌa cheke eghu, “Lord neke eni kaisei nhaꞌa cheke, eghuteuna mana ginauna theome tughu gaoghathogna na. Mana ne cheke eghu, ‘Iagho kaisei mae mala pris fabrahu tifa tifa.’ ”

Jenesis 14:18

Mae Melkisedek gne mana mae king gna ka namono Salem. Mana neke kaisei mae pris nogna God, mae ihei te fnakno fara. Mana hata ne mei keha bret nei waen eghu ka mae Ebram.

Hibru 7:28

Tutuani fara, neuba mare neke vahidi mae igre mala mae pris biꞌo, mare theome doglo fabrahu. Eghuteuna God neke vahidi mae igre mala mae pris biꞌo ka nolaghi nogna vetula mae Moses. Nu kate eni God u nhaꞌa cheke majaghani ke leghugna nogna vetula mae Moses igne, God neke vahini mae Thugna mala mae pris biꞌo. Eghuteuna mae Thugna na mala klino fabrahu ke ulugna God tifa tifa.

Hibru 7:11

God neke tusu lao nogna vetula mae Moses na ka naiknodi Israel. Eghuteuna hatimare mae pris ka vikegna mae Livae gre neke eni nodi gloku na mala toghodi naiknore mala leghuni u vetula igne nei mala au doglo fabrahu ke ulugna God. Nu jame naba te mala fakelidi naiknore ka nodi gloku mare na meuna, mala unha si teke mei kaisei mae pris ke leghu gnea? Tutuani, nodi gloku mare na ne theome naba, naugna igne kaisei pris jateula mae Melkisedek eghu te mei na, theome jateula mae pris ka vikegna mae Eron.

Hibru 6:20

Naugna mae Jisas la kulu arihi jare malada tahati. Mana mala kaisei mae pris biꞌo jateula mae Melkisedek eghu, eghuteuna mana ginauna mae pris biꞌo fabrahu tifa tifa.

Naba 23:19

God na theome jateula naikno te lase chaghi ra eghu. Mana theome jateula tahati te lase tughu gaoghatho ra eghu. Unha glepo te nhaꞌa chekedi mana re, mana ginauna edi. Eghuteuna unha te chekedi mana re, ginauna thoke mei tutuani.

Thakle 1:6

Mana eꞌei ghita mala pris te mala toghodi nogna naiknore nei mala pogho soruni God Kmagna noda King. Tahati ginauna pala hagheni nanghagna na kligna, eghuteuna kilo fnaknoni fabrahu nogna nolaghi biꞌo na tifa tifa. Amen.

Profet Sekaraea 6:13

eghuteuna naiknore ginauna ghatho tahuni mana jateula king eghu. Eghuteuna kate funei frunidi nogna naiknore, kaisei pris ginauna kegra fabrahu rhegna mana. Leuleghu fata na phia mare ginauna loku fodu ka kaisei gaoghatho kolho, nei au fakeli.’

Nodi Khoje Hatimare Mae Jiu 132:11

Iagho neke eni kaisei nhaꞌa cheke te theome bligi ka mae Devet te theome tangomana iagho te fakhusui na. Uve, iagho neke nhaꞌa cheke eghu agne, “Iara ginauna vahini kaisei mae thumu iagho mala king, eghuteuna mana ginauna mala funei frunidi naiknore ke leghumu iagho.