Nodi Khoje Hatimare Mae Jiu 11:7 - Buka Blahi Ka Cheke Holo

⁷ Lord na mae te doglo fara, eghume mana magnahaghedi naiknore te edi puhi te doglo re eghu. Ihei ngala te leghuni chekegna God na nate filoni tathagna mana na.

Nodi Khoje Hatimare Mae Jiu 11:7 ပူးပေါင်းရင်းမြစ်များ

Thakle 22:4

Mare ginauna filoni God fabrahu, eghuteuna rioriso nanghagna mana na ka greredire.

Nodi Khoje Hatimare Mae Jiu 17:15

Nu iara gne neke theome eni kaisei najafra, eghume iara gne ginauna na thofno ari filo nigho. Kate dofra haghe te filo nigho na, iara ginauna na thofno glealeꞌa fara.

Ululahu Pita 3:12

Naugna Lord na reireghi fakelidi naikno te doglore. Eghuteuna mana tangomana te fanomho ka nodi tharaire, nu mana figri lao thagrugna na ka naikno te edi puhi te diꞌare.”

Nodi Khoje Hatimare Mae Jiu 45:7

Iagho magnahaghedi fara glepo te keli re, nu iagho theome magnahaghedi glepo te diꞌa re. Naugna igne nou God iagho na neke vahi nigho hi, eghuteuna keha mae king re theome glealeꞌa jateula iagho eghu.

Thoutonu Eigna Mae Job 36:7

God na theome filo kokodi iheire te doglo, eghuteuna mana fagnokro haghedi ka sape funei, eghuteuna fafnaknodi fabrahu.

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Nodi Khoje Hatimare Mae Jiu 42:5

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala fakarhi ghau iara!

Nodi Khoje Hatimare Mae Jiu 34:15

Lord na reireghidi iheire te au doglo eghuteuna fanomho ka nodi tharaire.

Nodi Khoje Hatimare Mae Jiu 33:18

Nu Lord na reireghidi iheire te ghatho tahuni nei rouronuni teu nogna namha biꞌo mana na.

Nodi Khoje Hatimare Mae Jiu 99:4

Iagho nomi King ghehati, eigna iagho ngala te au nolaghi na. Iagho leuleghu fata na magnahaghei puhi te doglo na. Eigna iagho themu ngala te tusu mei puhi te doglo igne mala fateni naiknogna kantri ghehati igne.

Nodi Khoje Hatimare Mae Jiu 33:5

Lord na namhadi fara naikno te au fadoglo nei edi unha te keli re teuna. Tutuani fara, mana namhadi fara naikno te gnafa te au heva heva kau nauthoglu gne.

Nodi Khoje Hatimare Mae Jiu 21:6

Iagho fablahini mana fabrahu tifa e tifa. Mana thofno glealeꞌa fara naugna iagho ne au balugna mana.

Nodi Khoje Hatimare Mae Jiu 5:12

Lord, iagho fablahidi naikno te leghudi nou chekere. Iagho na jateula greoreo eghu mala reireghi fakelidi naiknore.

Profet Isaia 61:8

Lord ne cheke eghu, “Iara Lord magnahagheni fara puhi te doglo na, nu iara tiroguni fara puhi te blau, ba te edi puhi te diꞌa. Naugna puhigu iara na thofno doglo fara, iara ginauna fablahidi nogu naiknore. Eghuteuna iara ginauna eni kaisei nhaꞌa cheke baludi, nhaꞌa cheke igne ginauna au fabrahu.

Nodi Khoje Hatimare Mae Jiu 146:8

Mana tothora tathadi iheire te dofu nei togho haghedi iheire te au pari lahu ka nakarhadire. Eghuteuna mana namhadi nei toghodi eghu fabrahu iheire te doglo puhidire.

Nodi Khoje Hatimare Mae Jiu 7:9

God, puhimu iagho na thofno doglo fara, iagho filo suplidi nagnafami nei lasedi teu glepo te magnahaghedi ghehati re. Tapla fothidi sagho u gaoghatho te diꞌa te au ka naikno te diꞌa are. Eghuteuna toghodi naikno te keli re mala kegra heta.

Nodi Khoje Hatimare Mae Jiu 7:11

God na fatedi koba naiknore ka puhi te doglo. Nu iheire te edi puhi te diꞌare mana thofno paradi fara.

Nodi Khoje Hatimare Mae Jiu 37:28

Lord na magnahagheni fara puhi te doglo na. Mana theome snakredi te lisa laodi nogna naiknore. Leuleghu fata na mana tangomana te baubatu fakeli nogna naiknore mala tei ka nabrou te fadoglo. Nu vikegna mae te diꞌa na mana ginauna brue fajifladi mala tei au delei.

Nodi Khoje Hatimare Mae Jiu 45:8

Nou pohe brahu iagho na famane sisiri keligna fara ka phei nafnata sedi te kilodi mur ghe alo nei kasia. Iagho au ka famane suga nei tevo eghu re te nabagna king te lalaoni fakeli ka kheꞌi elefant. Eghuteuna hatimare mae string-band te mei lalahu te mala keli tamu iagho.

Proveb 15:9

Lord na theome magnahagheni puhigna mae te diꞌa na. Nu mana namhadi iheire te leghuni puhi te doglo na.