Nodi Khoje Hatimare Mae Jiu 11:6 - Buka Blahi Ka Cheke Holo

⁶ Mana ginauna na tofa soru khaꞌaghi te ngire na ke klignadi mala thunu mare thinidire. Mana ginauna paradi nafnata naikno igre, eigna mare ne eni puhi te diꞌa na.

Nodi Khoje Hatimare Mae Jiu 11:6 ပူးပေါင်းရင်းမြစ်များ

Profet Esikiel 38:22

Iara ginauna paradi fara mae igre. Iara ginauna falehedi ka fogra nei ka magra. Iara ginauna snakre mei nakhete biꞌo balu thina aes, nei khaꞌaghi balu thina ngire nei sisibe brana te deudeplu mala khoko soru ka mana baludi nogna soldia mana re, nei ka naiknodi keha kantri te loku fodu balugna mana.

Jenesis 19:24

Aonu Lord ne tofa soru kaisei nakhete thina ngire balu khaꞌaghi ke klignadi namono Sodom ghe Gomora.

Profet Esikiel 13:13

“Eghume igne te chekeni Lord na: Naugna iara neke thono diꞌatagu fara, eghuteuna iara ginauna kuru mei nuri rheta, nakhete biꞌo, nei thina aes

Luku 17:29

Nu ka narane te rikha kokoni mae Lot namono te diꞌa Sodom, khaꞌaghi balu thina ngaja ne soru mei funu kligna ne kafe falehedi naikno te diꞌare.

Nodi Khoje Hatimare Mae Jiu 75:8

God ne diꞌatagna fara ka naikno te diꞌare. Eghuteuna diꞌatagna God ka naikno te diꞌa igre, jateula waen te thono nheta fara te fodu ka kapu te louloku teu mana ra eghu. Mana ginau totofa waen te nheta igne ka naikno te diꞌare mala koꞌu fahui mare.

Thoutonu Eigna Mae Job 20:23

Kate ghamu mana gano te magnahaghedi re, God ginauna diꞌatagna na thono parani mana. Eghume diꞌatagna God igne ginauna mei jateula ghegna gano eghu naikno te diꞌa igne.

Thoutonu Eigna Mae Job 18:15

Mare ginauna gnubra nogna suga tapuale mana na. Eghuteuna thina ngire te brana igne gnubra nogna namono mana na.

Jone 18:11

Mae Jisas ne cheke eghu ka mae Pita, “Ghema Pita, ke nhaꞌa fapulo nou naflahi ana! Iara na leghuni unha teke magnahagheni mae Mama te mala au papara na.”

Profet Habaku 2:16

Eghume, Lord ginauna na thono diꞌatagna fara ka ghotilo, eghuteuna ghotilo ginauna na jateula naikno te koꞌu te salaꞌui ra na eghu mamaja nomi salaꞌui. Naugna naikno te gnafa igre ginauna na kafe filodi thinimi ghotilo te soesolere. Eghuteuna naiknore ginauna na theome ghatho tahu ghami ghotilo. Mare na filo fapari ghami ghotilo jateula chara te koko naiknora eghu kolho.

Nodi Khoje Hatimare Mae Jiu 105:32

Mana neke theome snakreni thofno nakhete na neke soru mei ka maloa na, nu mana neke snakre mei nakhete thina aes nei nakafli neku neke soru mei ka namono na.

Profet Isaia 51:17

Dofra haghe ghotilo naiknomi Jerusalem! Ghotilo la koꞌuhi ka kapu te fodu ka diꞌatagna Lord teke tusu ari mana te mala para ghami ghotilo igne. Ghotilo te gnafa na koꞌu la thaviru fara, la nolo fameomekro tafri.

Nodi Khoje Hatimare Mae Jiu 16:5

God, iagho ngala nafugna nakarhagu iara na. Iagho tusu mei ka iara glepo te kmo'edi iara re. Nakarhagu iara nathuꞌu nauriha na au ka khamemu iagho.

Profet Isaia 51:22

Lord, mae ihei te God nei nomi Funei teu ghotilo igne nate batu ghami ghotilo na. Mana neke cheke eghu, “Iara ginauna atha fadelei kapu te fodu ka diꞌatagu iara te para ghami fara ghotilo igne. Eghuteuna ghotilo ginauna na theome koꞌu ka kapu nate nolo tafri ghotilo balu fameomekro igne.

Ululahu Samuel 9:23

Eghuteuna mae Samuel ne cheke eghu ka mae te mala gahu gano na, “Hata mei vido nafnahi teke faꞌari iara ka iagho mala tarabana ranghini kaisei mae biꞌo teku ia.”

Ululahu Samuel 1:4

Leuleghu fata mae Elikana eni fafara, eghuteuna mana tufa koba vido nafnahi ka Penina goro thugna.

Jenesis 43:34

Hatimare mae gloku gre mei hata ghedi gano hatimare mae thabusigna gre ka tevo mae Josep na. Kate hata gano te mala faꞌimadi hatimare mae thabusignai igre na, mare hata fananaba kolho. Nu ghegna mae Benjamin na mare hata fabiꞌo fara naba te mala ima glima mae. Aonu mare ne ima nei ko'u nei glealeꞌa neu balugna mae Josep ne ghilei dranga.

Thoutonu Eigna Mae Job 18:10

Mare lilisei poru kaisei gnarho ka glose na, mala khale ka ghahegna mana na. Gnarho igne loku famakuni mana.

Nodi Khoje Hatimare Mae Jiu 18:13

Lord na au neu kligna ne cheke fabiꞌo jateula fila neu ka maloa na. God au neu kligna ka maloa na ne cheke, eghuteuna khaꞌaghi nei nakhete thina teure ne khoko ne soru pari.

Nodi Khoje Hatimare Mae Jiu 32:10

Naikno te diꞌare ginauna au papara fara ka nakarhadire, nu naikno te rouronu kolho ka Lord re, Lord ginauna na kokhonidi reireghi fakelidi.

Profet Jeremaea 13:25

Igne puhi biꞌo nate kuru meini iara te mala thoke ghami ghotilo na. Papara igne thofno horoghoto fara, naugna ghotilo ne ghatho iho ghau iara ne fatutuanidi god te chaichaghire.