Nodi Khoje Hatimare Mae Jiu 11:1 - Buka Blahi Ka Cheke Holo

¹ Iara thofno laseni Lord na ginauna togho ghau iara kate mei puhi biꞌo ka iara na. Jau iagho gaoghathomu na cheke eghu ka iara, “Rikha tei sagho ka thogele gno, jateula kaisei nanghaji te mhaghu te rikha te tei ia eghu.

Nodi Khoje Hatimare Mae Jiu 11:1 ပူးပေါင်းရင်းမြစ်များ

Nodi Khoje Hatimare Mae Jiu 56:11

Iara thofno fatutuani ni mana, eghume iara ginauna na theome mhaghuni kaisei glepo. Ba, unha glepo gne nate eni naiknore ka iara na? Thono theo fara, kheraguro.

Nodi Khoje Hatimare Mae Jiu 25:2

Nogu Lord, iara fatutuani nigho koba. Thosei snakredi nogu naoka iara gre mala tapla fapari ghau nei maꞌe ghau eghu iara. Thosei snakredi mare mala famamaja ghau iara.

Ululahu Samuel 23:14

Mae Devet tei ne au Sif ka namono nagou na, mana tei ne poru ka thogele holo ka kaisei vido te keli. Leuleghu narane na mae king Sol ne hironi fabrahu mana, neuba God na theome snakreni mae king te athini mana na.

Luku 13:31

Ka narane tuanala, keha mae Farasi ne mei ka mae Jisas ne cheke eghu ka mana, “Te keli na iagho jifla agne mala tei delei, naugna King Herod Antipas magnahaghei te falehe nigho iagho.”

Proveb 6:5

Jifla mei ka phighoro igne, jateula nanghaji, ba glepo te tautagu te rikhani mae ihei te magnahaghei faleheni ra eghu.

Nodi Khoje Hatimare Mae Jiu 16:1

God, iara te tore nigho mala reireghi fakeli ghau, naugna iara fatutuani nigho te mala bara fothi ghau na.

Fapea Kronikols 16:8

Iagho laseni, armigna Kus, nei armigna Libia, phei armi igre biꞌo fara eghuteuna au nodi kmana chariot nei kmana soldia mala chari ka hose eghu mala magra ka ghotilo. Nu naugna iagho neke fatutuanini Lord, eghuteuna mana neke togho nigho iagho neke tangomana iagho teke uludi mare na.

Nodi Khoje Hatimare Mae Jiu 31:14

Nu Lord, iara au nogu grouronu ka iagho. Te chekeni iara na, iagho nogu God iara.

Nodi Khoje Hatimare Mae Jiu 9:10

Naikno te lase nigho re mare ginauna na fatutuani nigho. God, thosei figri tagrudi naikno te mei ka iagho te mala toghodi iagho re.

Nodi Khoje Hatimare Mae Jiu 7:1

Lord, iagho nogu mae funei iara. Iara mei ka iagho mala poru ka iagho. Fakarhi ghau, hata fadelei ghau ka khamedi mae te ngolhi tafri ghau iara igre.

Fapea Kronikols 14:11

Aonu King Asa ne tarai ka Lord nogna God. Mana ne tarai eghu, “Lord, theo kaisei jateula iagho teuna. Iagho ngala tangomana te togho ghami ghehati mae te glaꞌe fara gre, eigna ghehati theome naba te magra ka mae te nheta fara igre. Iagho togho ghami ghehati gognarogne. Lord, iagho nomi God ghehati, ghehati rouronu kolho ka iagho. Soldia igre kmana fara, nu ghehati mei ka vido igne mala magridi mare ka nanghamu iagho. Lord, iagho nomi God ghehati, iagho thosei snakreni mae tuana mala ulu ghami ghehati.”

Ululahu Samuel 20:38

Iagho thosei au ka vido tuana! Faghose!” Aonu mae sitei na ghosei ne tei atha jata na neke pulo mei ka mae Jonatan.

Ululahu Samuel 27:1

Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Ululahu Samuel 22:3

Aonu mana atha balugna mae igre ne jifla ka vido igne, ne tei Moab ka namono Mispa. Aonu mana ne ghusna eghu ka king gna kantri igne, “Iagho tangomana te snakredi idogu kmagu teu iara gre te mala au ka iagho agne te ghilei laseni iara unha nate eni God ka iara na?”

Ululahu Samuel 19:11

Ka bongi igne, king ne kurudi keha mae mala tei ka sugagna mae Devet na mala tei faleheni mana hamerane ka keha narane na. Nu Mikal, khetogna mae Devet igne ne cheke eghu ka mana, “Jame te theome jifla iagho agne ginau bongi na, iagho ginauna lehe ka mare hamerane na.”

Nehemaea 6:11

Nu iara ne cheke eghu ka mana, “Iara theome nafnata naikno te mhaghu nei rikha me tei poru teura sia. Eghume iara theome naba te rikha te tei poru lamna ka nogna Sugablahi God na te mala fakarhini nakarhagu na. Theo fara.”

Nodi Khoje Hatimare Mae Jiu 7:2

Jame te theo iagho na, mare ginauna na jateula lion eghu pala ghau tei ka vido aheva te theo kaisei naikno te mala fakarhi ghau iara na. Ka vido tuana mare ginauna na kina sasakani u thinigu iara na.

Profet Jeremaea 48:14

“Ghotilo naiknomi Moab! Naugna unha site cheke eghu ghotilo gnea, ‘Ghehati mae nheta mala magra, ghehati mae soldia theome tangomana te mhaghu na’?