Nodi Khoje Hatimare Mae Jiu 109:5 - Buka Blahi Ka Cheke Holo

⁵ Neuba iara ne edi glepo te keli koba ranghidi, mare edi ngala glepo te diꞌare ranghi ghau iara. Iara namhadi mare, nu mare tirodi ghau iara kolho. Naikno te diꞌa igre cheke eghu ka iara:

Nodi Khoje Hatimare Mae Jiu 109:5 ပူးပေါင်းရင်းမြစ်များ

Proveb 17:13

Jame te foli fapulo iagho glepo te keli ka glepo te diꞌa na, glepo te diꞌa tuana ginauna au fabrahu ka tharaknamu iagho na.

Nodi Khoje Hatimare Mae Jiu 38:20

Iara eni puhi te keli na ranghidi, nu mare fapulo meini puhi te diꞌa na ka iara. Mare naoka ranghi ghau iara, naugna iara ne leghuni puhi te doglo na.

Jenesis 44:4

Ka te theome tei khaba nga teu mare ka namono na, mae Josep ne cheke eghu ka nogna mae gloku te mala reireghigna nogna suga na, “Iagho chari tei ke leghudi mae ira. Kate tei te posa iagho ka mare na, iagho na cheke eghu ka mare, ‘Nogu mae funei iara ia neke keli ranghi ghami ghotilo neke eni unha te keli na ka ghotilo. Naugna unha si teke eni ghotilo puhi te diꞌa na ka mana gnea?

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’

Luku 6:16

mae Judas thugna mae Jemes ghe Judas Iskariot. Mae Judas gne mae ihei teke snakreni mae Jisas ka khamedi nogna mae naokare.

Fapea Samuel 15:31

Kate nomhini king te tei mae Ahitofel te toghoni mae Absalom igne, mae Devet ne tarai eghu, “Lord God, iagho figri nogna farirhiu mae Ahitofel igne mala fameomekro kolho!”

Fapea Samuel 15:12

Kate fafara na, mae Absalom ne fatei cheke ka mae Ahitofel, kaisei nogna advaesa mae king Devet te au ka namono Gilo. Mae Ahitofel jifla Gilo ne mei ka mae Absalom. Nogna gaoghatho mae Absalom te mala tapla faparini mae king Devet igne ne thofno keli fara. Eghuteuna kmana naikno funu mei toghoni mana.

Ululahu Samuel 19:5

Mana neke lisei faleghu nakarhagna na neke faleheni mae Golia. Ka narane igne Lord neke toghoni Israel neke uluni magra na. Kate filoni igne, iagho neke gleale'a fara. Mana theome eni kaisei glepo te diꞌa. Naugna unha sagho te magnahaghei faleheni mana gnea? Iagho theo kaisei nou gaoghatho te keli te mala faleheni mana na!”

Profet Jeremaea 18:20

Ba, keliu kolho te tughu fapulo glepo te diꞌa na ka glepo te keli na? Theo. Neuba mare ne magnahaghei falehe nigho iagho neu, iara tore nigho iagho mala thosei diꞌatamu nei paradi eghu mare. Nu mae naoka igre magnahaghei te goigoni ghau iara, jateula kaisei mae te dokha khora te mala snoꞌo bosu tagna te mala falelehera eghu.