Nodi Khoje Hatimare Mae Jiu 109:4 - Buka Blahi Ka Cheke Holo

⁴ Neuba iara ne namhadi nei tarai neu koba baludi, mare magnahaghei te cheke fapari ghau iara koba ngala.

Nodi Khoje Hatimare Mae Jiu 109:4 ပူးပေါင်းရင်းမြစ်များ

Nodi Khoje Hatimare Mae Jiu 38:20

Iara eni puhi te keli na ranghidi, nu mare fapulo meini puhi te diꞌa na ka iara. Mare naoka ranghi ghau iara, naugna iara ne leghuni puhi te doglo na.

Luku 23:34

Mae Jisas ne cheke eghu, “Mama! Hata fadelei nakhibodi naikno igre, naugna mare theome laseni unha te eni na.” Eghuteuna mae soldiare ne lalahu khale mala laseni mae ihei nate hata nogna pohe mae Jisas re.

Nodi Khoje Hatimare Mae Jiu 35:7

Iara neke theome eni kaisei puhi te diꞌa ranghidi mare, nu mare lilisei kaisei phighoro te mala fakhale ghau iara na. Eghuteuna mare neke dokha kaisei khora te mala snoꞌo iara na.

Fapea Korin 12:15

Eghume iara thofno gleale'a fara te tusu ari ranghi ghami gobigna lepo te au ka iara igre nei jaola snakreni thinigu na mala togho ghami ghotilo. Ba, ghotilo ginauna namha faꞌikoi ghau iara kolho, naugna te namha ghami fabiꞌo fara iara gne?

Jone 10:32

Nu mae Jisas ne cheke eghu ka mare, “Iara neke edi kmana gloku te keli ka nogna nolaghi mae Mama tela filodihi ghotilo ra. Kau gloku te keli aheva gre site romi fadi falehe ghau iara ghotilo ka thina gnea?”

Nodi Khoje Hatimare Mae Jiu 35:12

Iara keli ranghidi mare, nu mare theome keli ranghi ghau iara, eghume iara la namo glaꞌehi nagnafagu na eghu.

Profet Daniel 6:10

Neuba mae Daniel ne laseni tela riorisohi king nanghagna na ka vetula igne, mana kegra ne tei ka nogna suga na. Aonu mana ruma lamna ka nogna chogho na ne tuturupuku soru pari ne tarai rhegna wida te filo soru ka namono biꞌo Jerusalem. Mae Daniel ne thilo fata tarai leuleghu narane ne kilo fnaknoni God. Ka narane igne, mana ne jaola ne tarai jateula te eni koba thegna leuleghu narane igne neu.

Fapea Samuel 13:39

Eghuteuna kate gnafa nogna diꞌanagnafa eigna mae Amnon na, mae Devet magnahaghei fara teke filoni mae Absalom.

Ululahu Kronikols 19:4

Aonu King Hanun nomhini cheke igne ne loku famaku nogna tothoghei mae King Devet igre. Eghuteuna mare ne ghoighori kaisei phile gremohodi re, eghuteuna kusu fakmoꞌei nodi pohere mala tangomana naiknore te filodi pesidi mare re, gnafa teuna ame ke kuru fapulodi nga.

Proveb 17:13

Jame te foli fapulo iagho glepo te keli ka glepo te diꞌa na, glepo te diꞌa tuana ginauna au fabrahu ka tharaknamu iagho na.