Nodi Khoje Hatimare Mae Jiu 109:2 - Buka Blahi Ka Cheke Holo

² Naikno te diꞌa nei mae te chaichaghi teu igre mare cheke fapari ghau iara. Mare cheke chaichaghi koba eigna te mala goigoni ghau kolho iara na.

Nodi Khoje Hatimare Mae Jiu 109:2 ပူးပေါင်းရင်းမြစ်များ

Nodi Khoje Hatimare Mae Jiu 52:4

Iagho kaisei mae chaichaghi fara. Iagho magnahagheni kolho te mala cheke fadiꞌani keha naikno na ka chekemure.

Profet Jeremaea 9:5

Leuleghu fata na mare chaichaghidi koba mae kheradi thedire. Eghume, theo kaisei naikno te chekeni unha te tutuani na. Foflodire fodu ka cheke te chaichaghi, eghuteuna puhi te diꞌa te eni fabrahu mare igne te faglaꞌedi mare na.

Mae Khuru 6:13

Eghuteuna mare hata ne mei keha mae mala chaghi eigna mae Stivin. Mare ne cheke eghu, “Mae igne ne cheke faparini koba noda Sugablahi tahati igne nei cheke faparini la noda vetula tahati gne.

Proveb 12:19

Cheke te tutuani na au fabrahu. Nu cheke te chaichaghi na theome au raugha kolho.

Nodi Khoje Hatimare Mae Jiu 31:18

Fofotho foflodi mae te patugama igre sagho, eigna mare lase cheke fahahage nei cheke fadiꞌadi mae te doglore igre neu. Nu mare mae lase cheke chaichaghi kolho eghu.

Nodi Khoje Hatimare Mae Jiu 31:13

Iara nomhidi kmana mae naoka hatimare buiburi ghau iara. Eghuteuna ka vido aheva te tei salaꞌu iara na mare famamhagu ghau iara fara. Mae iheire te magnahaghei tapla soru ghau iara re, mare hiro phoge mala falehe ghau iara.

Fapea Samuel 17:1

Theome raugha ke leghudi igre, mae Ahitofel ne cheke eghu ka mae Absalom, “Snakre ghau iara mala vavahi nabotho phei thogha mae. Ghehati ginauna jifla bongi mala tei hironi King Devet.

Profet Jeremaea 9:3

Igne chekegna Lord: “Leuleghu fata na naikno igre jateula mae soldia te tarabana phaloho te mala fada falehe naikno ra eghu. Eghuteuna mare snakredi glapidire mala cheke chaichaghi jateula jata eghu. Naiknogna kantri igne theome cheke kate tutuani. Thono theo fara. Mare edi nafnata puhi te thono diꞌa fara igre, eghume mare theome tangomana te fatutuani ghau iara nodi God.

Proveb 15:28

Mae te keli na kulu ghaoghatho ame cheke nga eghu. Nu mae te diꞌa na luꞌa soru cheke te diꞌa na.

Nodi Khoje Hatimare Mae Jiu 140:3

Foflodire jateula khe'i phanaga eghu. Uve, cheke te diꞌare jateula poesen te jifla ka foflogna u phanaga ia eghu.

Jenesis 40:15

Ulu lahu na mare neke blau ghau iara ka namonomi ghehati mae Hibru gre neke hata mei ghau iara agne. Eghuteuna kate au teu iara agne Ijep na iara neke theome eni kaisei najafra. Nu mare neke fiti lilisei ghau iara ka bara igne, kate theo nafugna kolho.”