Nodi Khoje Hatimare Mae Jiu 109:17 - Buka Blahi Ka Cheke Holo

¹⁷ Mae igne neke magnahaghei te tibri falehedi keha naiknore. Eghume, jame te keli na, tibri teke edi mana tuare mala ke thokeni thegna! Mana neke theome magnahaghei te eni kaisei glepo te keli ranghidi keha naiknore. Eghume, thosei snakreni kaisei glepo te keli te mei ka mana na!

Nodi Khoje Hatimare Mae Jiu 109:17 ပူးပေါင်းရင်းမြစ်များ

Matiu 7:2

Unha puhi teke fateni ghotilo naikno tuana, God ginauna nake fate ghami la ghotilo ka puhi tuana. Unha vetula teke fateni ghotilo naikno na, God ginauna jaola nake fate ghami ghotilo kau vetula tuana.

Proveb 14:14

Mae te tei kokoni God na, ginauna fodu ka puhigna thegna te diꞌare. Nu mae te keli na ginauna au nogna kmana glepo te keli.

Profet Esikiel 35:6

Eghume, iara neke eni nhaꞌa cheke igne ka nanghagu iara Lord God mae ihei te karha te tifa: Ghotilo ginauna mala lehe eigna puhimi ghotilo te diꞌa igne! Naugna ghotilo ne theome magnahaghedi kherami teke vikegna mae Israel ra, mala tangomana hatimare mae naoka te aknu falehedi mare, eghuteuna mae naokare ginauna jaola hiro ghami ghotilo mala aknu falehe ghami ghotilo.

Thakle 16:6

Mae teke falehedi nou mae profet ra nei nou naikno blahi ra, iagho gognaro ke figri khoꞌu ana nei glokha ana eghu ka dadara mala koꞌu mare. Tuana ngala puhi te doglo te mala ke foli fapulo iagho nabadi unha teke edi mare re.”

Fapea Kronikols 18:21

Eghuteuna Lord ne cheke eghu ka mana, ‘Unha nate eni iagho na?’ “Eghuteuna naitu igne ne cheke eghu, ‘Iara ginauna tei chekedi nogna profet manare mala chaghini mana.’ Eghuteuna Lord ne cheke eghu ka naitu igne, ‘Iagho tei saosagroni mana, eghuteuna mana ginauna fatutuanini nou cheke iagho na.’ ”

Lamentations 3:65

Bobotho sagho nagnafadire mala thoke mei puhi biꞌo ka mare!