Nodi Khoje Hatimare Mae Jiu 108:4 - Buka Blahi Ka Cheke Holo

⁴ Puhi te namhadi koba iagho naiknore thono haghe fara, uve, haghe tei posa kligna ka maloa gno. Puhimu iagho te tajidi koba nou nhaꞌa cheke gre thono haghe fara, uve, thono haghe fara tei posa kligna ka khoveo gno.

Nodi Khoje Hatimare Mae Jiu 108:4 ပူးပေါင်းရင်းမြစ်များ

Nodi Khoje Hatimare Mae Jiu 36:5

Lord, nou namha iagho na thono biꞌo fara tei posa ka maloa gro. Puhi te tajini fabrahu iagho nou nhaꞌa cheke na biꞌo fara tei posa ka khoveo gro.

Nodi Khoje Hatimare Mae Jiu 103:11

Eigna nogna namha mana ranghidi naikno te ghatho tahuni mana re thofno biꞌo fara jateula maloa kligna eghu.

Nodi Khoje Hatimare Mae Jiu 89:2

Iara laseni nou namha biꞌo iagho na ginau au fabrahu, eghuteuna puhi te tajini iagho nou nhaꞌa cheke na igne jateula maloa te au fabrahu ana eghu.

Profet Isaia 55:9

Naugna maloa na haghe fara salaꞌuni nauthoglu igne, eghume puhigu iara na haghe fara salaꞌudi puhimi ghotilore. Eghuteuna gaoghathogu iara na jaola haghe fara salaꞌudi gaoghathomi ghotilore.

Nodi Khoje Hatimare Mae Jiu 113:4

Mana ngala mae ihei te funei frunidi naikno te gnafa ka kantri te gnafa igre. Nogna nafnakno mana na tei salaꞌuni maloa igno.

Nodi Khoje Hatimare Mae Jiu 89:5

Lord God, hatimare maedi kligna re, mare koje nei kilo fnakno nigho eghu iagho eidi glepo te keli te edi iagho ra. Uve, hatimare mae engel te blahi, mare koje eigna puhi te keli te tajidi iagho nou nhaꞌa cheke ra.

Nodi Khoje Hatimare Mae Jiu 85:10

God namhadi fabrahu nogna naiknore, naugna igne mare mala fatutuani nei leghuni eghu God. Uve, iheire te doglo puhidire God ginau tusu ranghidi u pharikeli.

Fapea Samuel 22:50

Lord, iara ginauna cheke fakeli nigho ka tathadi keha naiknore. Iara ginauna koje mala cheke fakelini nanghamu iagho na.