Nodi Khoje Hatimare Mae Jiu 108:13 - Buka Blahi Ka Cheke Holo

¹³ Kate au teu God baluda tahati na, tahati ginau ulu gheda, naugna mana tangomana te uludi noda naoka tahati re.

Nodi Khoje Hatimare Mae Jiu 108:13 ပူးပေါင်းရင်းမြစ်များ

Nodi Khoje Hatimare Mae Jiu 60:12

God, jame au teu iagho balumi ghehati na, ghehati gne ginauna na theome nigra ka magra na. Eigna iagho ginauna tapla sorudi nomi naoka ghehatire.

Fapea Korin 2:14

Nu ghehati ne cheke fakelini God, mae ihei te togho ghami fabrahu balugna Kraes te mala uluni ghehati u magra na ka vido aheva mana teke kuru lao ghami na. God ne loku ke lamnami ghehati mala tangomana glalase eigna Kraes na te tei tongana heva heva jateula insens te siri keligna fara.

Profet Isaia 63:3

Lord ne cheke eghu, “Iara neke tapla faparidi kmana kantri jateula mae te tapla ke kligna grep, nu theo kaisei mae te togho ghau iara teura eghu. Iara tapla ke klignadi mare, naugna iara ne diꞌatagu fara ka mare, eghuteuna dadaradi mae igre te ukru nogu pohe iara na.

Nodi Khoje Hatimare Mae Jiu 18:42

Iara neke puri ngujadi neke jateula gaughavu glose te flalo tafri ka nuri ra neku kolho mare. Iara neke tapla ghiaghihadi neke jateula gnagnapa ka nabrou ra neku kolho mare.

Ululahu Korin 15:10

Nu ka nogna khokofakasai God iara theome fiti au gognaro na. Theo. Nogna khokofakasai na togho ghau iara te mala nogna mae gloku God. Naugna iara loku heta fara ke uludi keha mae khurure, nu theome nogu gloku iara thegu. Nogna khokofakasai God te au balugu iara na mala togho ghau iara.

Letas Teke Riso Tei Mae Pol Ka Khiloau Rom 16:20

Ginauna theome raugha, God mae ihei te tusu lao pharikeli ka nogna naiknore ginauna togho ghami ghotilo mala tapla soruni mae Satan. Iara tarai ka noda Lord Jisas Kraes mala falalase ranghi ghami khokofakasai na tifa tifa.

Profet Isaia 25:10

Lord ginauna doadofrani nei reireghini eghu Thogele blahi Saion. Nu mana ginauna na tapla ke klignadi naiknodi Moab, jateula buluka te tapla ke klignadi buburu eghuteuna buburu igre chakhi ka charagna thegnare lamna chopu ra eghu.

Nodi Khoje Hatimare Mae Jiu 144:1

Iara kilo fnaknoni Lord, naugna mana ne baubatu ghau nei farirhiu ghau te mala magra na.

Fapea Kronikols 20:12

Nomi God, paradi sagho mare. Ghehati theome nheta te mala magra ka armi biꞌo te mei magra ka ghehati igne. Ghehati theome laseni unha nate eni na, nu ghehati filo ari ka iagho kolho te mala togho ghami na.”

Jajis 15:8

Aonu Samson magridi mare balu diꞌatagna fara ne ghilei aknu falehe kmana ka mare. Ke leghu, mana jifla ne tei poru ka gluma lamna thina jare namono Etan.