Nodi Khoje Hatimare Mae Jiu 107:43 - Buka Blahi Ka Cheke Holo

⁴³ Ihei te au tagna glalase te keli na, ginauna ghathodi glepo igre. Mana ginauna ghathoni fabrahu eigna nogna namha biꞌo Lord ranghi ghita tahati na.

Nodi Khoje Hatimare Mae Jiu 107:43 ပူးပေါင်းရင်းမြစ်များ

Profet Hosia 14:9

Ihei te lalase na, naikno tuana ginauna lase fakelidi cheke te edi iara ka buka na igre, nei tathaji fakeli ka nagnafagna na. Eigna puhigna Lord na thofno doglo fara. Eghuteuna ihei te doglo na mala leghuni puhigna mana na. Nu ihei te diꞌa na theome tangomana te leghuni puhigna God na, naugna naikno igne theome ghatho tahuni puhi te doglo na.

Profet Jeremaea 9:12

Aonu, mae Jeremaea ne cheke eghu, “Naugna unha site groꞌe namono ignea? Naugna unha site krogha te theo kaisei naikno te au ka namono ignea? Ba, ihei gne te laseni gaoghathogna glepo igne? Ba, Lord neke rurutha ranghini ihei gaoghathogna glepo igne?”

Nodi Khoje Hatimare Mae Jiu 64:9

Naikno te gnafare ginauna mhaghu nodi fara ka God. Eghuteuna mare ginauna na ghathoni unha te eni God igne na toutonu eidi nogna gloku mana re.

Profet Daniel 10:12

Mana neke cheke eghui ka iara, “Daniel, thosei mhaghu. God na nomhini nou tharai iagho na, funu ka narane teke nhaꞌa fapari nigho themu ke ulugna God na, iagho neke fariuriu mala lasedi gaoghathodi glepo igre teku, iara gognarona mei balu cheke tughu gna nou tharai iagho na.

Profet Jeremaea 9:24

Nu jame ihei te magnahaghei fahaehaghe na, mana fahaehagheni kolho te lase ghau iara Lord. Iara na namhadi fabrahu naikno te au ka nauthoglu igne, nei eni ranghidi fabrahu puhi te doglo na. Igre unha te magnahaghedi iara re.”

Nodi Khoje Hatimare Mae Jiu 50:23

Mae ihei te cheke fakeli ghau iara na, tuana jateula te fafara eghu ka iara, mana pala hagheni nanghagu iara na. Mae ihei te leghuni chekegu iara na, iara ginauna fakarhini mana.”

Profet Isaia 5:12

Kate ei gaghamu na, leuleghu fata na ghotilo lalahu gita nei dram ikoi, eghuteuna ghotilo ifu babuban balu koꞌu beer mala gleale'a nomi, eghuteuna ghotilo theome tangomana te ghathodi unha teke edi Lord ka ghotilo ra.

Nodi Khoje Hatimare Mae Jiu 28:5

Lord, mare theome ghathodi kolho nou gloku nei unha eghu teke edi iagho ra. Eghume te keli na iagho paradi nei koko sorudi eghu pari mala mei gnafa kolho mare jare.

Profet Isaia 42:20

Ghotilo neke filodihi kmana glepo, nu ghotilo theome filo glanini kolho kaisei glepo. Uve, ghotilo au khulimi. Nu ghotilo theome nomhi fakelini kolho kaisei glepo.”

Profet Jeremaea 9:11

Lord ne cheke eghu, “Iara ginauna rorhoꞌe namono biꞌo Jerusalem mala nodi namono khuma mhata kolho. Namono te gnafa Juda igre ginauna krogha, eghuteuna theo kaisei naikno nate au ka namono igre.”

Profet Daniel 12:10

Puhi biꞌo te thoke mei gognaro igre mala toghodi naikno kmana mala au doglo nei gae eghu ke ulugna God. Nu naikno te diꞌare ginauna theome lasedi gaoghathodi glepo igre, eghuteuna mare ginauna edi fabrahu glepo te diꞌa igre. Nu naikno te autadi gaoghatho te keli gre ngala nate filo glanidi re glepo igre.