Nodi Khoje Hatimare Mae Jiu 107:42 - Buka Blahi Ka Cheke Holo

⁴² Kate filodi glepo igre naikno te doglore, mare ne thono keli tadi fara. Nu kate filodi naikno te diꞌare glepo igre, mare neke theome gagri kaisei cheke ne faꞌikodi.

Nodi Khoje Hatimare Mae Jiu 107:42 ပူးပေါင်းရင်းမြစ်များ

Nodi Khoje Hatimare Mae Jiu 63:11

Nu iara mae King. Iara ginauna keli tagu fara eigna iagho ginauna togho ghau iara mala theome tangomana nogu naoka iara re te ulu ghau iara na. Iheire teke nhaꞌa cheke ka nanghamu iagho re ginauna cheke fakeli nigho iagho, nu iheire te chaichaghire iagho ginau fofotho foflodire.

Thoutonu Eigna Mae Job 22:19

Kate paradi God naikno te diꞌa igre, naikno te doglo igre glealeꞌa nei maꞌe eghu ka mare,

Letas Teke Riso Tei Mae Pol Ka Khiloau Rom 3:19

Tahati lasenihi, naikno te gnafa te au ke parigna nogna vetula God na mala leghuni unha te chekeni ka nogna vetula God na. Eghume theo kaisei naikno tangomana te chekeni ne theo nakhibogna teuna, nu God ginauna fatedi naikno te gnafa ka nauthoglu igne.

Nodi Khoje Hatimare Mae Jiu 52:6

Naikno te keli re ginauna filoni glepo igne na mhaghu nodi fara. Mare ginauna maꞌe nigho iagho na cheke eghu, “Filo si ghotilo ka mae igne. Mana theome fatutuani ni God te mala fakarhini na. Dedei nei puhi te diꞌa teu are kolho te fatutuanidi mana re!”

Proveb 10:11

Cheke gna naikno te keli na, hata mei nakarha te keli. Nu cheke gna naikno te diꞌa na pophoru gaoghatho te diꞌa na mala goigonidi keha naiknore.

Profet Isaia 66:14

Kate filoni ghotilo glepo nate eni iara ka ghotilo igne, ghotilo ginauna keli tami fara, eghuteuna ghotilo ginauna nake karha kelimi. Ka narane igne ghotilo ginauna laseni Lord te toghodi iheire te leghuni manare, eghuteuna mana ginauna na fakakhana nogna diꞌatagna na ka nogna naokare.

Nodi Khoje Hatimare Mae Jiu 112:10

Kate filoni naikno te diꞌare puhigna mae te doglo igne na, mare na thono diꞌa tadi fara. Mare na theome magnahagheni mae igne, nu mare theo nafudi kolho eghu. Uve, unha te magnahagheni naikno te diꞌare, theome tangomana kegra haghe ba te loku fakeli na.

Eksodas 11:7

Nu Lord ne theome eni kaisei na au papara ranghidi maedi Israel ba nodi buluka re, eghuteuna theo kaisei naikno te nomhini kaisei naogla ka namono na. Eigna igne ghotilo naiknomi Ijep ra ginauna laseni iara Lord neke vahidi naiknodi Israel.