Nodi Khoje Hatimare Mae Jiu 107:22 - Buka Blahi Ka Cheke Holo

²² Mare fafara mala tegio ka mana, mare mala toutonu ka khoje glealeꞌa eidi thua nafnotu teke edi mana re.

Nodi Khoje Hatimare Mae Jiu 107:22 ပူးပေါင်းရင်းမြစ်များ

Nodi Khoje Hatimare Mae Jiu 50:14

“Iara God, ka maloa kligna, eghuteuna te keli na ghotilo cheke fakeli ghau iara fabrahu. Igne thofno nomi fafara ghotilo na. Eghume te keli na ghotilo edi glepo teke nhaꞌa chekedihi ghotilo ka iara ra.

Nodi Khoje Hatimare Mae Jiu 118:17

Iara ginauna na theome lehe, iara na karhau mala toutonudi unha teke edi Lord re.

Nodi Khoje Hatimare Mae Jiu 9:11

Tahati koje kilo fnaknoni Lord, mae ihei te king ka namono Saion. Tahati mala toutonuni nogna gloku te keli ka naikno te gnafa te au heva heva.

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Nodi Khoje Hatimare Mae Jiu 116:17

Iara ginauna fafara mala tegio ka iagho. Uve, iara ginauna tarai ka iagho mala tegio nigho.

Nodi Khoje Hatimare Mae Jiu 73:28

Nu iara thofno keli tagu fara te au namo ka iagho God. Lord God, iagho nogu vido keli mala poru iara, eghume iara magnahagheni fara te toutonudi gobigna lepo teke edi iagho ra.

Levitikas 7:12

“Jame ihei te eni fafara igne te mala tegio ka iara na, mana atha thilo nafnata bret te theo kaisei isi gna. Nafnata bret ulu lahu na au flaoa te ngigno balu oliv oel. Fapea nafnata na jateula bisket te ghiha oliv oel tagna ra eghu. Eghuteuna fatilo nafnata na bret te eni mana ka flaoa famane wit.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Profet Isaia 12:4

Ka narane tuana, vikeda tahati gre ginauna koje eghu: “Tahati mala cheke tegioni Lord! Uve, tahati cheke fakelini nanghagna te biꞌo! Eghuteuna tahati toutonuni ka naiknodi keha kantri are eidi unha teke edi God ra! Tahati toutonuni nanghagna mana te haghe fara salaꞌudi keha nangha te gnafare.

Nodi Khoje Hatimare Mae Jiu 116:12

Unha gne nate fafara lao iara ka Lord eidi glepo te keli teke edi mana ranghi ghau iara ra?

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Nodi Khoje Hatimare Mae Jiu 9:15

Hatimare mae bongihehe gre neke dokha kaisei khora malami ghehati neku, nu ke snoꞌo kolho thedi. Phigoro malami ghehati teke lilisei mare na neke khale kolho thedi.

Nodi Khoje Hatimare Mae Jiu 27:6

Eghume iara ginauna na tapla ke klignadi hatimare mae naoka te mei bara falithui ghau re. Iara ginauna na fafara ka sugagna Lord na balu eha glealeꞌa. Iara ginauna koje mala pala hagheni nanghagna mana na.