Nodi Khoje Hatimare Mae Jiu 107:14 - Buka Blahi Ka Cheke Holo

¹⁴ Uve, mana neke kukusu chen teke au ka thinidire ne atha fajifladi ka suga sosolo te romno fara na.

Nodi Khoje Hatimare Mae Jiu 107:14 ပူးပေါင်းရင်းမြစ်များ

Profet Isaia 42:16

Iara ginauna batudi nogu naikno te dofu ra mala leghuni nabrou teke theome leghuni mare tifa na. Iara ginauna hata fadelei gromno te au teu mare ke lamnagna igne mala phae jateula narane eghu, eghuteuna iara ginauna fasasare nabrou te poipogili are maladi mare. Igne unha teke nhaꞌa chekeni mala eni teku iara na, eghuteuna iara ginauna eni unha teke nhaꞌa chekeni iara na.

Nodi Khoje Hatimare Mae Jiu 116:16

Lord God, iara gne kaisei nou mae gloku iagho jateula idogu tifa ia eghu. Iagho neke fakarhi ghau iara kau glehe.

Efesus 5:8

Tifa na, ghotilo neke au ka naromno, nu gognaro na ghotilo kela au ka naphae, naugna ghotilo nognahi Lord. Eghume ghotilo leghuni puhidi naikno te au ka naphae,

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Nodi Khoje Hatimare Mae Jiu 107:10

Kehare neke haru mare ka chen neke au ka suga sosolo te thono romno fara na.

Profet Isaia 61:1

Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.

Mae Khuru 5:25

Aonu kaisei mae ruma mei ne cheke eghu ka mare, “Fanomho! Mae teke lilisei ghotilo ka suga sosolo ra, gognaro na kegra farirhiudi naiknore kelau ke lamnagna Sugablahi na!”

Mae Khuru 5:19

Nu ka bongi tuana na kaisei engel nogna Lord na ne tora grengathagna suga sosolo na. Engel na ne batu fajifladi mae khurure ke kosi ne cheke eghu,

Luku 13:16

Gaꞌase igne neke karha ka vikegna mae kuꞌeda Ebraham. Nu mae Satan neke loku famakuni naꞌa nabotho nhana finogha. Eghume theome diꞌa teke fasnaglini iara ka fogra teke keli fapulo naꞌa kau narane Sabat gne.”

Nodi Khoje Hatimare Mae Jiu 102:20

Mana neke nomhidi noda tharai re kate au tahati kau sosolo na, nei atha fajifla ghita kate chekeni mare ka fate na, tahati mala au ka glehe.”

Nodi Khoje Hatimare Mae Jiu 68:6

Mana na fofodu ka iheire te theo kheradi nei tusu ranghidi suga te mala au fakeli na. Eghuteuna mana na atha fajifladi iheire te au ka suga sosolo mala ke pulo au fakeli mare ka namono. Nu iheire te patugama fara te tirodi leghuni God re, mana ginauna lisei sorudi ka vido te thono diꞌa fara na.

Thoutonu Eigna Mae Job 36:8

Nu jame te khale mare ka puhi biꞌo na, mare na au papara,

Profet Isaia 49:9

Iara ginauna cheke eghu ka iheire te au ka suga sosolo, ‘Jifla mei ka suga sosolo.’ Eghuteuna iara ginauna cheke eghu ka naikno te au teu kate romno, ‘Ghotilo jifla mei kate phae.’ “Aonu mare ginauna au fakeli jateula sipu te ghamu buburu leghu nabrou nei ke kligna thogele.

Nodi Khoje Hatimare Mae Jiu 146:7

Mana toghodi fabrahu iheire te au papara, nei faghamudi iheire te rofo. Eghuteuna hata fajifladi iheire te au ka suga sosolo ka khamedi hatimare mae naoka.

Thoutonu Eigna Mae Job 33:30

Leghu fata na, mana theome snakredi naiknore mala soru pari ke lamna beku, eghuteuna mana eni nogna juta na mala agha tei tadi.

Thoutonu Eigna Mae Job 3:5

Snakreni gromno na mala hata kasa narane tuana, snakreni kaisei gromno mala toku tafru narane igne, eghuteuna snakreni gromno igne mala fanograni naphaegna naprai na.

Thoutonu Eigna Mae Job 19:8

God fanograhi nogu nabrou iara na, eghume iara theome tangomana te thugha na. Mana eni nogu nabrou iara igne mala au ka gromno.

Thoutonu Eigna Mae Job 15:30

Mana ginauna theome tangomana nate rikhani puhi biꞌo na. Eghuteuna mana ginauna na jateula kaisei gaju te nhako ka khaꞌaghi gregegna te majaghani ra eghu. God ginauna phanga mei ka mana, mala hata koko fadelei nakarhagna mana na.

Thoutonu Eigna Mae Job 15:22

Mana gaoghathogna na mana theome tangomana te rikhani narane te ninhigrana eghu. Eghuteuna mana jaola laseni mare ginauna faleheni mana.