Nodi Khoje Hatimare Mae Jiu 106:8 - Buka Blahi Ka Cheke Holo

⁸ Nu Lord neke fakakhana ka mare nogna nanheta na neke fakarhidi, leghuni nogna nhaꞌa cheke na.

Nodi Khoje Hatimare Mae Jiu 106:8 ပူးပေါင်းရင်းမြစ်များ

Profet Esikiel 20:9

Nu iara neke theome eni igne, naugna jame laseni naiknodi Ijep gre igne meuna, mare ginauna faparini nanghagu iara na. Naugna iara neke nhaꞌa chekehi ka naiknodi Israel te au farihoteidi naiknodi Ijep igre te mala hata fajifladi iara nogu naiknore ka kantri Ijep. Jame te theome leghuni iara nogu nhaꞌa cheke na, naiknodi Ijep igre ginauna faparini nanghagu iara na.

Eksodas 9:16

Nu iara snakre ghami ghotilo te mala karha teu te mala falalase ari iara nogu nolaghi biꞌo na ka ghotilo, eghuteuna naiknore ginau na toutonuni nanghagu iara na ka nauthoglu gne.

Profet Esikiel 20:14

Nu iara na theome eghu, naugna jame naiknodi ka keha kantri te au falithuidi mare igre ginauna faparini nanghagu iara na. Mae igre neke filo glani ghau iara teke hata meidi iara funu Ijep. Jame te theome leghuni iara nhaꞌa cheke igne na, mare ginauna faparini nanghagu iara na.

Letas Teke Riso Tei Mae Pol Ka Khiloau Rom 9:17

Naugna kau grioriso te blahi na God neke cheke eghu ka mae Fero, “Iara vahi nigho iagho mala King, naugna iara magnahaghei te falalase ka iagho nogu nolaghi na mala lase ghau naikno te gnafa ka nauthoglu igne.”

Profet Esikiel 20:44

Ghotilo naiknomi Israel ra! Iara ginauna theome tughu fapulo ka ghotilo puhimi ghotilo te diꞌa nei glepo te diꞌa eghu teke edi ghotilo ra, nu iara ginauna kokhoni ghami ghotilo, nei naiknodi Israel ginauna fafnaknoni nanghagu iara na. Eghuteuna ghotilo ginauna lase ghau iara Lord. Igne nogu cheke iara Lord God.’ ”

Profet Esikiel 20:22

Nu iara neke theome eni igne, naugna jame eni iara igne meuna, naiknodi keha kantri te au falithuidi mare igre ginauna faparini nanghagu iara na. Naugna mare laseni teke hata fajifla iara nogu naiknore ka kantri Ijep. Jame te theome leghuni iara nogu nhaꞌa cheke igne na, mare ginauna famamajani nanghagu iara na ka tathadi naiknodi keha kantri are.

Profet Jeremaea 14:21

Thosei faparini nafnaknomu na ka tathadi naiknore. Thosei fadidiꞌa puhi te keli te funei fruni iagho igne. Thosei ghatho ihoni nhaꞌa cheke teke eni iagho ka ghehati ia, iagho thosei lopini nhaꞌa cheke igne.

Josua 7:9

Jame nomhini naiknogna kantri igne eigna igne meuna, mare ginauna mei falehe ghami ghehati. Nafnata puhi igne naiknore ginauna cheke faparini nanghamu iagho na, eghume iagho togho ghami ghehati!”

Eksodas 15:6

Lord, iagho khame nhetamu na thono nolaghi fara, ne puri nguja noudi hatimare mae naoka gre.

Profet Jeremaea 14:7

Aonu naiknore na cheke eghu, “Lord, tutuani fara ghehati la figri tagru nighohi la edi kmana nakhibo ka tathamu iagho na. Nu kokhoni ghami nei togho ghami eghu mala fafnaknoni naiknore nanghamu iagho na. Tutuani kmana fata ghehati lisa koko nighohi, nei ei puhi diꞌa ranghi nigho.

Nodi Khoje Hatimare Mae Jiu 143:11

Lord God, fakarhi ghau jateula teke nhaꞌa chekeni iagho ia eghu. Naugna puhimu iagho na thono doglo fara, fakarhi ghau ka hoholo te thafodi iara gre.

Nodi Khoje Hatimare Mae Jiu 111:6

Mana fakakhana ka tahati nogna nolaghi na ka puhi te snakre meini ka tahati kantri teke nodi keha naiknoi igne.

Eksodas 18:8

Mae Moses ne toutonu ka mae Jetro gobigna lepo te edi Lord ranghini king, nei naiknodi Ijep. Eigna Lord neke fakarhadi naiknodi Israel. Mana neke jaola neke toutonu ka mae Jetro eigna Lord te toghodi mare ka thua hoholo fateote'o te mei thafodi mare ka nabrou na.

Josua 4:24

Kate filodi glepo igre, naikno te gnafa ka nauthoglu igne ginauna laseni Lord te au nolaghi biꞌo na, eghuteuna tahati ginauna ghatho tahuni fabrahu mana.”

Ululahu Samuel 12:22

Lord na magnahagheidi naiknore te ghatho tahuni nanghagna mana na, naugna igne te theome tei koko ghami mana na, eghuteuna mana neke vahi ghami ghotilo mala nogna naikno mana.

Nodi Khoje Hatimare Mae Jiu 23:3

Mana tusu mei gaoghatho majaghani ka iara. Eghuteuna farirhiu ghau iara mala leghuni iara puhi te doglo na, naugna puhigna thegna Lord na thofno doglo fara.

Profet Isaia 48:9

Iara neke loku fapulo diꞌatagu na ka ghotilo, eghuteuna iara ginauna na theome goigoni ghami ghotilo, naugna iara magnahaghei ghami ghotilo te cheke fakelini kolho nanghagu iara na.