Nodi Khoje Hatimare Mae Jiu 106:5 - Buka Blahi Ka Cheke Holo

⁵ Jame te eghu na, iara ginauna filoni nakarha te keli na ka nou naikno iagho re, nei iara ginauna tangomana te glealeꞌa baludi. Uve, mala tangomana ghau iara te mala kaisei baludi te mala kilo fnaknoni nanghamu iagho na.

Nodi Khoje Hatimare Mae Jiu 106:5 ပူးပေါင်းရင်းမြစ်များ

Nodi Khoje Hatimare Mae Jiu 105:43

Aonu God ne batudi nogna naiknore ne tei. Mare ne koje nei eha eghu ne tei, naugna mare ne glealeꞌa fara.

Efesus 1:18

Iara toreni noda God mala tusu ari glalase te biꞌo. Glalase igne ginauna togho ghami ghotilo mala filo glanini unha teke kilo ghita God na. Jaola glalase igne mala togho ghami ghotilo te mala filo glanini thofno glepo keli te gnafa teke nhaꞌa cheke ranghidi nogna naiknore.

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Profet Sefanaea 3:14

Ghotilo naiknomi Israel! Ghotilo eha nei koje balu gleale'a! Ghotilo naiknomi Jerusalem, gleale'a ka nagnafami fateote'o!

Profet Isaia 66:10

Ghotilo iheire te magnahagheni Jerusalem fara ra, ghotilo eha nei glealeꞌa eghu. Ghotilo iheire te tanhi nei diꞌanagnafa teu eigna namono igne ra, gognarona ghotilo glealeꞌa nomi fara tagna.

Profet Isaia 12:6

Tahati naiknoda ka namono Saion, tahati mala koje fabiꞌo! Tahati mala koje, naugna tahati ne glealeꞌa fara! Noda God te blahi, tahati maeda Israel, mana au nolaghi biꞌo, eghuteuna mana au baluda tahati gognaro na.”

Nodi Khoje Hatimare Mae Jiu 1:3

Nakarhadi naikno igre na jateula gaju te karha ka geri khoꞌura eghu na keli fara. Kate thoke mei nodi thofno narane na, gaju igre ginauna ure, eghuteuna khakladire ginauna theome brango. Aonu unha te edi naikno igre na ginauna na jateula igne eghu mala keli fara.

Thakle 17:14

King igre balugna bosu na ginauna magra ka Lam. Nu Lam baludi nogna naikno teke vavahi nei kilodi teku thegna te mala au heta ka nodi fatutuani, ginauna tapla sorudi kolho. Naugna Lam na funei frunidi Lord te gnafa nei King te gnafa.”

Fapea Tesalonika 2:13

Uve kheraguro, noda Lord thofno namha ghami ghotilo. Ghehati nabami te cheke fakelini God koba eimi ghotilo. Naugna God neke vahi ghami ghotilo ame vuvuha nga nauthoglu igne mala fakarhi ghami. Ghotilo mala nogna naikno blahi God kate fatutuani ni ghotilo cheke te tutuani igne ka nogna nolaghi mae Tharunga te Blahi.

Filipae 3:3

Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.

Efesus 1:4

Ka narane theome vuavuha nga teku nauthoglu gne God neke vahi ghita mala nogna thegna kate kaisei tahati balugna Kraes. Tutuani, God neke vahi ghita mala naikno blahi nei theo kaisei najafra ke ulugna mana.

Jone 16:22

Na jateula tuana eghu ka ghotilo. Eghume gognarona ghotilo diꞌanagnafa. Eghuteuna kate filo ghau iara na ghotilo ginauna keli tami nei gleale'a eghu. Nafnata gleale'a te theome tangomana kaisei naikno nate atha fadelei ka ghotilo.

Profet Joel 2:23

Ghotilo naiknomi ka namono Saion! Ghotilo gleale'a ka unha teke edi iara nomi Lord nei nomi God, iara eni igne mala togho ghami ghotilo. Ka narane te joꞌu ghotilo na, iara na snakre mei nakhete mala karha gano te joꞌu ghotilo ka nagare ra, jateula teke eni iara ka ghotilo tifa ia eghu.

Profet Isaia 45:25

Iara Lord, iara ginauna toghodi iheire nate karha mei ka vikegna Israel mala leghuni puhi te doglo na, eghuteuna mare ginauna na thofno kilo fnakno ghau iara.

Profet Isaia 35:10

Uve, iheire teke foli fapulodihi Lord ra ginauna nake pulo mei Jerusalem. Eghuteuna ka narane teke pulo mei mare Saion na, mare ginauna eha fabiꞌo, naugna mare ne glealeꞌa fara. Mare ginauna theome tangomana te diꞌanagnafa nei tanhi teuna, naugna mare glealeꞌa fabrahu kolho ka namono igne.

Nodi Khoje Hatimare Mae Jiu 118:15

Fanomho mei ghotilo ia, eigna tahati nogna naikno Lord, tahati mala glealeꞌa nei eha eghu ke lamnadi noda suga thapuale gre. Uve, tahati eha eghu fabiꞌo, “Ka nogna nolaghi Lord te uluni tahati u magra na.

Nodi Khoje Hatimare Mae Jiu 48:11

Eghume ghehati te gnafa na keli tami fara te au ka namono Saion. Iagho fatedi naiknore ka puhi te doglo. Eghume ghehati te au ka namono biꞌo te gnafa agne Juda, ghehati keli tami fara.

Nodi Khoje Hatimare Mae Jiu 14:7

Iara toreni fara noda God mae ihei te au ka Thogele Saion te mala snakreni kaisei mae te mala fakarha ghita ka khamedi noda naokare. Ka narane tuana tahati na thofno glealeꞌa noda, eigna God na togho ghita tahati maeda Israel.

Diutronomi 7:6

Ghotilo mala edi glepo igre, naugna ghotilo nogna naikno blahi Lord, nomi God. Mana neke vahi fadelei ghami ka keha naikno te gnafa ka nauthoglu igne mala nogna naikno thegna.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Mae Khuru 9:15

Nu God ne cheke eghu ka mae Ananias, “Ghema, tei sagho! Mae igne neke vahini iara mala edi mana nogu gloku iara re. Mana ginauna cheke eigu iara ka naikno te theome Jiure ba ka nodi king re ba ka naiknodi Israel.

Diutronomi 32:9

Nu ghotilo nogna naikno Lord. Ghotilo naikno ka vikegna Jekop ra, ghotilo nogna Lord.

Fapea Samuel 20:19

Nomi namono ghehati igne kaisei namono ulu fara ka kantri Israel. Ghehati naikno gna namono igne, ghehati magnahaghei te au ka pharikeli, eghuteuna ghehati ghatho tahuni fabrahu noda Lord. Nu gognarona iagho magnahaghei te mei roꞌeni namono igne. Naugna unha sagho te magnahaghei goigonidi nogna glepo Lord igrea?”