Nodi Khoje Hatimare Mae Jiu 106:42 - Buka Blahi Ka Cheke Holo

⁴² Hatimare mae naoka gre ne paradi fara mare ne ghilei kokhonidi fara.

Nodi Khoje Hatimare Mae Jiu 106:42 ပူးပေါင်းရင်းမြစ်များ

Jajis 10:12

nei vikegna Saedon, nei vikegna Amalek, nei vikegna Maon teu igre neke thofno goigoni ghami ghotilo. Eghume ghotilo tanhi mei ka iara mala togho ghami ghotilo. Leuleghu fata na iara ngala te hata fajifla ghami ghotilo ka khamedi mare igre.

Jajis 4:3

Sisera au nheva gobi chariot mala magra te au aean wil. Eghuteuna naiknodi Israel igre au ke parigna nogna nolaghi mana nabagna varadaki finogha. Ka narane tuare mana ne faparadi fara naiknodi Israel. Aonu mare ne tanhi lao ka God mala toghodi.

Jajis 2:14

Diꞌatagna Lord na ne thono brana fara ka mare ne snakre laodi ka khamedi nodi naoka te au faligohodi mare. Eghuteuna nodi naoka mare igre raꞌe ne nheta fara, eghuteuna naiknodi Israel igre ne theome tangomana te reireghidi thedire. Eghuteuna naoka igre blau koba nodi gobigna lepo re.

Fapea Kronikols 12:8

Neuba, iara ginauna snakreni Sisak king gna Ijep mala tapla faparidi mare mala au mare ke parigna nogna nolaghi mana. Eghuteuna ka puhi igne mare ginauna laseni, puhi te loku ranghi ghau iara na thofno keli fara, nu puhi te loku ranghini king gna nauthoglu igne na theome keli.”

Nehemaea 9:28

Kate au ka pharikeli na, mare ke funu edi puhi te diꞌa re, eghuteuna iagho snakredi mae naokare mala uludi nei funei frunidi eghu mare. Eghuteuna leuleghu fata na mare tanhi ari ka iagho, eghuteuna iagho nomhidi mare kligna. Naugna iagho kokhoni noudi fara mare, leuleghu fata na iagho fakarhidi ka nodi nolaghi mae naoka.

Lamentations 1:16

“Naugna igne te tanhini fara iara na, eghuteuna kholodi phei tathagu iara re oro soru ka thinigu iara na. Eghuteuna theo kaisei naikno te au teu jare te mala farhetani gaoghathogu iara na. Mae naoka gre ulu ghau iara, eghuteuna nogu naikno iara re ne rhana nodi fara.”