Nodi Khoje Hatimare Mae Jiu 106:38 - Buka Blahi Ka Cheke Holo

³⁸ Uve, mare neke falelehe neke fafara lao famane suare ka mumuju. Ka puhi igne nodi kantri mare na ne thono diꞌa fara ka tathagna God na.

Nodi Khoje Hatimare Mae Jiu 106:38 ပူးပေါင်းရင်းမြစ်များ

Naba 35:33

“Ghotilo laseni hila, mae aknu poru na tangomana te goigonini nomi namono ghotilo na. Eghume ghotilo thosei lisadi keha mae are mala goigonini nomi namono ghotilo na. Ghotilo mala faleheni kolho mae te khuru falehe naikno fara tuana, mala ke keli nomi namono ghotilo na.

Profet Isaia 26:21

Mana ginauna soru mei funu kligna mala paradi naikno te gnafa ka nauthoglu igne eidi nakhibodi. Puhi te falehe poru naikno igre ginauna kakhana, eghuteuna dadaradi naikno te lehe ra ginauna kakhana ke kligna glose.

Fapea Kings 21:16

King Manase jaola ne aknu falehe kmana naikno fara, aonu dadaradi naikno te theo kaisei nakhibodi igre ne fodu ka namono Jerusalem. Nu jaola, mana neke batudi naiknodi Juda igre neke edi glepo te diꞌa ka tathagna Lord.

Diutronomi 21:9

Ka puhi igne, ghotilo ginauna theome naba te papara ka glehegna mae ihei te doglo igne, naugna ghotilo ne edi glepo te magnahaghedi Lord re.”

Profet Esikiel 22:3

Iagho cheke ka mare, igne unha te chekeni Lord God na: ‘Ghotilo naiknomi Jerusalem! Ghotilo aknu falehe kmana naikno eghuteuna ghotilo tarai ka mumuju teke sari themire, eghuteuna ghotilo fathona ghami themi ka tathagu iara.

Profet Esikiel 7:23

“ ‘Mare kaikaliti chen mala haru nalhaꞌu re mala hata fadelei, naugna mae mala falehe naikno nei mae mala edi puhi te diꞌa teure au tonganau ka vido te gnafa ka namono igne.

Profet Jeremaea 2:34

Ghotilo chaghidi naikno te kuma te theome eni kaisei najafra na. Eghuteuna mae te kuma igne ne theome ruma ne blau ka nomi sugare. Neuba, puhi te eni ghotilo igne jateula puhigna mae ihei te faleheni mae kheragna fofodu na ia eghu. Puhi te eni ghotilo ka naikno te kumare igne goigoni ghami fara ghotilo, jateula vido dadara te goigoni nomi pohe ghotilo ra eghu.

Profet Isaia 24:5

Naikno ka nauthoglu igne na goigoni nauthoglu igne na vuhai chara ka tathagna Lord, naugna mare ne huhughuni nogna vetula God na, nei nhaꞌa cheke teke eni mare balugna God mae ihei te au fabrahu tifa te tifa.

Profet Isaia 1:15

Kate ngafa haghe ghotilo khamemire te tarai mei ka iara na, iara ginauna tirogu filo ari ka ghotilo. Neuba ghotilo ne tarai ne tarai leghu rane, iara ginauna tirogu fanomho ka ghotilo. “Naugna dadaradi naikno teke aknu falehe ghotilo ra fodu ka khamemi ghotilore.

Fapea Kings 24:4

Mana neke aknu falehe kmana naikno te theo nakhibodi igre Jerusalem, eghuteuna Lord na theome tangomana te hata fadelei nakhibo igre.

Levitikas 18:21

“Blahi ihei ka ghotilo te faleheni thugna na, eghuteuna gahu ka khaꞌaghi te mala fafara ka god Molek, naugna puhi igne goigoni nanghagu iara te blahi nomi Lord God ghotilo.

Levitikas 18:25

Nafnata puhidi mare igne fathonani glose na mala theome klino ka tathagu iara na, eghume iara na paradi naikno te au jare ra. Papara igne mala eni glose igne mala jateula mae ihei te rogna luꞌara eghu, eghume glose igne na luꞌa fajifladi naikno te au tagna re.

Fapea Kings 17:17

Mare gahu ka khaꞌaghi thudi nalhaꞌu nei thudi gaꞌase teure mala fafara ka mumuju god. Eghuteuna mare ghusnadi mae iheire te au naitu nhaghe nei mae iheire te fafara te mala lasedi unha lepo nate thoke mei ginauna. Mare ghatho nhetani kolho te mala eni glepo te thono diꞌa fara ka tathagna Lord na, eghume mare fabrana ni fara diꞌatagna mana na.

Profet Jeremaea 19:4

Iara ginauna eni igne, naugna naiknogna namono igne figri tagru ghau iara ne goigoni namono igne. Mare neke atha mei nodi god keha kantri delei mala pogho soru tadi. Eghuteuna mare gahu gano neke fafara ka god igre. Naikno igre baludi mae kuꞌedi tifa ra, nei hatimare mae king di Juda jaola theome lasedi god igre. Namono igne fodu ka dadaradi naikno te doglo.

Profet Esikiel 16:20

“ ‘Iagho aknu falehe thugu nalhaꞌu nei thugu gaꞌase teu iara teke karha ka iagho ra, eghuteuna iagho neke fafara lao jateula gano neku ka mumuju. Theome keli te jateula thau vine teu iagho te tirou ghauhi iara na!