Nodi Khoje Hatimare Mae Jiu 106:37 - Buka Blahi Ka Cheke Holo

³⁷ Mare ne falelehe thudi nalhaꞌu nei gaꞌase teure ne fafara ka mumuju.

Nodi Khoje Hatimare Mae Jiu 106:37 ပူးပေါင်းရင်းမြစ်များ

Fapea Kings 17:17

Mare gahu ka khaꞌaghi thudi nalhaꞌu nei thudi gaꞌase teure mala fafara ka mumuju god. Eghuteuna mare ghusnadi mae iheire te au naitu nhaghe nei mae iheire te fafara te mala lasedi unha lepo nate thoke mei ginauna. Mare ghatho nhetani kolho te mala eni glepo te thono diꞌa fara ka tathagna Lord na, eghume mare fabrana ni fara diꞌatagna mana na.

Fapea Kings 16:3

Mana leghudi puhidi mae king di Israel te diꞌa tifa ra. Eghuteuna mana neke gahu thofno thugna na neke fafara ka mumuju. Glepo igne thofno leghuni puhidi naiknodi tifa te thofno diꞌa fara ra, eghuteuna Lord neke khi fajifladi naikno bongihehe igre ka nodi vido glose naiknodi Israel.

Profet Jeremaea 7:31

Mare horo kaisei olta te kiloni mare, Tofet, ka Glogu Hinom. Aonu mare gahu ka khaꞌaghi thudi nalhaꞌu nei thudi gaꞌase teure ka olta igne mala fafara ka mumuju. Nu iara neke theome chekedi mare te mala eni puhi igne. Nafnata glepo te eni mare igne neke theome jifla mei ka gaoghathogu iara na.

Diutronomi 32:17

Ghotilo fafara ka naitu te theome thofno god kolho na. God chaichaghi igre, kuꞌemi ghotilo tifa ra neke theome lasedi, god igre posa mei majaghani kolho. Eghuteuna kuꞌemi ghotilo tifara neke theome ghatho tahudi nei mhaghudi neku.

Ululahu Korin 10:20

Theo! Nu unha te fafara iheire te theome fatutuani ni God re, mare fafara ka naitu kolho, theome ka God. Eghuteuna iara theome magnahaghe ghami ghotilo te kaisei balugna naitu na.

Profet Esikiel 23:37

Repa tapla jafra baludi keha nalhaꞌui, nei aknu falehe naikno eghu. Eghume repa la tei koko ghauhi iara la tei lalahu fadiꞌa ka mumuju, eghuteuna repa aknu falehe fafara ka mumuju thugu iara teke karha ka repa re.

Profet Esikiel 20:26

Iara lisa laodi mala fathonadi thedi ka tathagu iara na, naugna mare ne fafara thudi teke kulu karhare ka mumuju god. Iara eni igne, mala rhana nodi nei laseni eghu mare iara te Lord na.’

Profet Jeremaea 32:35

Mare horo nogna olta god Baal ka glogu Hinom, eghuteuna mare ne gahu thudi nalhaꞌu nei thudi gaꞌase teure mala fafara ka god Molek. Nu iara neke theome chekedi mare te mala eni puhi igne na. Nafnata puhi te eni mare te thofno diꞌa fara igne mala batudi naiknodi Juda igre mala snoꞌo ka nakhibo, eghuteuna nafnata glepo igne neke theome jifla mei ka gaoghathogu iara.”

Profet Isaia 57:5

Kate tarai ghotilo ka nomi god te chaichaghi are na, ghotilo tei eni puhi te diꞌa na baludi goro gaꞌase vine ke pari gaju biꞌo. Ghotilo tei ka gluma thina te au ka geri glogu, eghuteuna ghotilo aknu falehe thumire mala fafara ka nomi mumuju god.

Fapea Kings 21:6

Mana gahu neke fafara mae thugna thegna na ka mumuju. Mana loku ka nunughere nei khoraphaꞌu, khaekae, eghuteuna mana tei filodi iheire tangomana te cheke baludi tharungadi iheire tela lehehi. Eghuteuna mana edi kmana glepo te thono diꞌa fara ka tathagna Lord na, aonu Lord ne diꞌatagna fara ka mana.

Diutronomi 18:10

Ghotilo thosei snakreni kaisei naikno mala gahu fafara thugna nalhaꞌu ba thugna gaꞌase na. Ghotilo thosei snakreni kaisei naikno mala fafara mala laseni eigna unha nate thoke mei ke leghu na. Ghotilo thosei snakreni kaisei naikno mala loku ka neilehe ba poesen.

Levitikas 17:7

Aonu ghotilo mala thosei ke fafarai ka nanigot naitu tuana, naugna puhi igne jateula gaꞌase te tei balugna mae te theome khetogna naꞌa ia eghu. Igne vetula te mala leghuni fabrahu ghotilo na.

Letas Teke Riso Tei Mae Pol Ka Khiloau Rom 9:20

Nu nogu cheke tughu iara na, iagho ihei sia te mala cheke fapulo ka God na? Iagho naikno kolho! Gaoghathogu iara na igne. Tapera teke hohoro mare ka glose na theome tangomana teke cheke eghu fapulo ka mae ihei teke hohorogna na, “Naugna unha sagho teke hohoro eghu ghau iara gnea?”

Profet Esikiel 23:47

Lisa lao mala fada thina di nei aknu falehedi eghu mare ka naflahi. Lisa lao mala aknu falehe mare thudi repa re, eghuteuna gnubra ka khaꞌaghi nodi suga repa re.

Fapea Kronikols 11:15

Jeroboam fablahidi nogna pris thegna re te mala loku ka vido blahire. Mare tarai tufru soru ka mumuju nanigot nei ka sua buluka.

Levitikas 18:21

“Blahi ihei ka ghotilo te faleheni thugna na, eghuteuna gahu ka khaꞌaghi te mala fafara ka god Molek, naugna puhi igne goigoni nanghagu iara te blahi nomi Lord God ghotilo.

Profet Esikiel 20:31

Kate snakredi ghotilo te mala fafara lao thumi nalhaꞌure ka mumuju te diꞌa igre na, ghotilo fathona ghami themi fabrahu ka tathagu iara na la ghilei mei thoke ka narane gognarogne. Ghotilo naiknomi Israel ra! Naugna unha si ghotilo te edi koba glepo te diꞌa igrea, ba ghotilo tangomana ghami te mei te hironi gaoghathogu iara na? Iara eni nhaꞌa cheke igne ka nanghagu iara Lord God mae ihei te karha fabrahu tifa te tifa. Iara ginauna theome snakre ghami ghotilo te toreni kaisei glepo ka iara na!’ ”