Nodi Khoje Hatimare Mae Jiu 106:34 - Buka Blahi Ka Cheke Holo

^34-35 God neke cheke ka nogna naiknore mala falehedi naikno te bongihehere. Nu naiknore neke theome leghudi kolho neke tolaghi ngala ka naikno te bongihehere, nei jaola leghudi nodi kastom mare re.

Nodi Khoje Hatimare Mae Jiu 106:34 ပူးပေါင်းရင်းမြစ်များ

Jajis 1:21

Nu vikegna Benjamin igne neke theome ngolhi fajifladi vikegna Jebus teke au Jerusalem igre, naugna igne mare snakreni vikegna Jebus igne mala au fabrahu kolho baludi mare ka namono igne.

Diutronomi 7:16

Ghotilo mala aknu falehe naikno te gnafa te lisa ari Lord ka khamemi ghotilo are, thosei kokhonidi. Ghotilo mala thosei pogho soru ka nodi god mare re, naugna igne kaisei puhi te mala jateula kaisei phighoro teu mare te mala fakhale ghami ghotilo na.

Diutronomi 7:2

nu mana ginauna lisa ari naikno igre ka khamemi ghotilo, eghuteuna ghotilo ginauna uludi mare. Ka narane tuana, ghotilo mala aknu falehedi gnafa. Ghotilo mala thosei eni kaisei nhaꞌa cheke te mala au fakeli baludi mare na. Eghuteuna ghotilo mala thosei kokhonidi mare.

Ululahu Samuel 15:3

Ghotilo tei magra ka mare, eghuteuna ghotilo mala goigoni fahui nodi gobigna lepo mare are, eghuteuna thosei lisa faleghu kaisei glepo. Eghuteuna ghotilo mala kafe aknu falehe mae nalhaꞌu baludi goro gaꞌase, goro sua, nei goro sua gegeꞌe. Eghuteuna ghotilo mala jaola aknu falehe nodi buluka, sipu, kamel, nei nodi dongki teu mare re. Gobigna lepo igre mala jateula fafara eghu mala tusu lao ka Lord.’ ”

Josua 16:10

Vikegna mae Efrem igre theome ngolhi teidi kolho naiknodi Kenan te au ka namono Gesa. Mare au fodu kolho baludi mare mei posa gognarogne, nu vikegna mae Efrem igne huhurudi naiknodi Gesa mala loku jateula naikno sneka eghu.

Josua 15:63

Nu vikegna mae Juda igre theome tangomana te ngolho fajifladi vikegna mae Jebus teke au Jerusalem funu tifa igre. Naikno igre au ngala baludi vikegna mae Juda ghilei mei posa gognarogne.

Naba 33:52

ghotilo ginauna brue fajifla naikno te au jare re. Ghotilo ginauna goigoni nodi mumuju thina ba aean teu mare re, eghuteuna ghotilo jaola goigoni nodi vido blahi mare re.

Jajis 2:2

Eghuteuna ghotilo thosei ke eni kaisei nhaꞌa cheke baludi naikno te au ka namono Kenan igne, eghuteuna ghotilo ginauna paꞌe soru nodi olta naikno bongihehe are.’ Nu ghotilo theome edi kolho unha teke chekedi iara ka ghotilo ra. Naugna unha site edi ghotilo glepo igrea?