Nodi Khoje Hatimare Mae Jiu 106:24 - Buka Blahi Ka Cheke Holo

²⁴ Nu ke leghu na mare ne tirodi fara te tei posa ka famane kantri Kenan, naugna mare neke theome fatutuani ni nogna nhaꞌa cheke God na.

Nodi Khoje Hatimare Mae Jiu 106:24 ပူးပေါင်းရင်းမြစ်များ

Diutronomi 1:32

“Nu neuba iara ne cheke faꞌunha teuna ka mare, mare theome tangomana te fatutuani ni Lord, noda God. Leuleghu fata na mana batu ghita mei mala gnafa ka vido te keli, eghuteuna mana falalase nabrou ka tahati, eghuteuna ka bongi na mana kulu tei ke uluda ka kaisei khaꞌaghi, eghuteuna ka narane na mana kulu tei ke uluda ka kaisei khoveo biꞌo te kegra fadoglo haghe, nu mare theome tangomana te fatutuani ni mana.”

Profet Esikiel 20:6

Ka narane tuana, iara neke eni kaisei nhaꞌa cheke te rheta mala hata fajifladi Ijep, eghuteuna batu teidi ka kaisei namono aheva teke kulu vahini iara te mala au mare tagna na. Namono igne famane keli fara salaꞌudi keha kantri te gnafa ka nauthoglu igne. Glosegna na thono keli fara, eghuteuna leuleghu fata na au kmana gano tagna.

Naba 14:31

Ghotilo cheke eidi naiknodi Kenan gre ginauna atha fadelei thumi ghotilo re, nu iara ginauna athadi mare tei ka vido te tiromini ghotilo ia.

Hibru 4:6

Naikno teke kulu nomhini u Nonomho te Keli gne mare na theome ruma ka namono mala gnafa na, naugna mare ne theome fatutuani ni God. Nu tutuani fara kehare ginauna na ruma ka namono mala gnafa na.

Letas Teke Rioriso Mae Jud 1:5

Neubane lasedihi ghotilo igre, iara magnahaghei ghami ghotilo teke ghatho fapuloni noda Lord teke fakarhidi naiknodi Israel, ka teke hata fajifladi mana Ijep. Nu ke leghugna igne mana neke falelehe fahui iheire teke theome fatutuani nei theome leghuni chekegna.

Hibru 12:16

Thosei snakreni kaisei naikno te mala eni tafri puhi te diꞌa na ba mala jateu mae Iso teke theome ghathoni God tifa ia eghu. Mae Iso gne neke kulu karha mala khotodi nogna glepo mae kmagna re. Nu mana neke kafe fofoli fahui malagna kaisei vido gano kolho ka mae tahigna na.

Hibru 4:2

Tahati la nomhinihi u Nonomho te Keli igne, nei naiknodi Israel tifa re neke nomhi nila. Nu neubane nomhinihi mare u cheke igne, theome toghodi mare kolho, naugna kate nomhini u cheke igne mare theome fatutuani kolho.

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!

Matiu 22:5

“Nu naiknore tirodi fanomho fakeli ka mae glokure. Mare sopa tei ne edi nodi glokure. Kaisei mae tei loku ka nogna nagare na, keha na tei hiro nogna sileni.

Profet Jeremaea 3:19

Lord ne cheke eghu, “Iara thofno magnahaghei ghami ghotilo teke figri mei jateula thofno thugu eghu iara. Eghuteuna iara ginauna snakre ari ka ghotilo vido glose te thofno keli fara te salaꞌudi vido glose te gnafa ka nauthoglu igne. Iara magnahaghei ghami ghotilo te kilo ghau iara mae kmami ghotilo mala theome tangomana ghotilo te tei koko ghau iara na.

Diutronomi 9:23

“Eghuteuna jare Kades Banea, Lord neke cheke ka ghotilo mala tei ghotilo hata glose teke nhaꞌa chekeni mana na. Nu ghotilo neke theome leghuni nogna cheke mana na. Ghotilo theome fatutuani ni mana, ba leghuni mana.

Naba 14:11

Lord ne cheke eghu ka mae Moses, “Niha fata thodo ghau iara si naikno grea? Neubane edi iara kmana khofubobhoi ka tathadi mare re, mare theome ke rouronu kolho ka iara.

Jenesis 25:34

Aonu mae Jekop ne tusu lao ka mae Iso keha bret nei susupu eghu teke edi mana re ne ghamu nei koꞌu mae Iso, kate ima te gnafa mae Iso na mana kegra haghe ne tei. Aonu mae Iso ne snakre lao ka mae Jekop u nolaghi te mala hata unha malagna mae teke kulu karha na teku mae kmagna na.

Hibru 4:14

Eghume, tahati mala loku famaku ka noda fatutuani na. Naugna tahati au kaisei noda mae pris biꞌo te togho ghita. Mae pris biꞌo igne mae Jisas Kraes Thugna God tela haghehi kligna.

Naba 13:32

Aonu mare ne eni kaisei groghe te diꞌa fara na cheke eghu, “Puhi biꞌo ginau thokedi naikno te au ka vido tuana! Eghuteuna naikno te filodi ghehati re, mare te gnafa na orio mae brahudi gnafa ngala. Eghuteuna ghehati filodi mae ka vikegna mae Anak mae iheire te brahu fara teure. Kate filodi mare re, ghehati ikodi fara jateula sughili eghu kolho.”

Naba 14:2

Aonu mare ne cheke balu diꞌatadi ka mae Moses ghe mae pris Eron, “Jame keli kolho teke lehe ghehati Ijep, ba ka namono nagou na!

Naba 14:9

Eghume ghotilo thosei figri tagruni Lord! Ghotilo thosei mhaghudi naikno te au ka vido tuana, naugna mare theome naba ka tahati! Tahati ginauna goigonidi mare! Lord na au baluda tahati sia, eghuteuna mana la uludihi nodi god mare re, eghume ghotilo thosei nanga nomi eghu!”

Diutronomi 1:26

“Nu kuꞌemi ghotilo tifa ra neke tirodi fanomho ka nogna cheke Lord nomi God na neke tirodi tei ruma ka namono igne.