Nodi Khoje Hatimare Mae Jiu 106:19 - Buka Blahi Ka Cheke Holo

¹⁹ Ka Thogele Sanai, mare neke hohoro kaisei mumuju buluka ka gol neke pogho soru tagna.

Nodi Khoje Hatimare Mae Jiu 106:19 ပူးပေါင်းရင်းမြစ်များ

Eksodas 32:35

Ke leghu, Lord ne kuru mei kaisei fogra biꞌo ne thokedi naiknore, naugna mare neke tarai ka mumuju gna buluka teke horo Eron ka gol igne.

Ululahu Korin 10:7

Tahati mala thosei pogho soru ka mumuju jateula mare eghu. Eigna grioriso te blahi na cheke eghu, “Naiknore gnokro soru mala ima nei koꞌu. Aonu kegra haghe mala tei gnognoro tafri.”

Mae Khuru 7:41

Aonu mare ne hohoro kaisei mumuju mala jateula buluka eghu. Eghuteuna mare ne fafara ka mumuju buluka igne ne keli tadi ka unha teke hohoro thedi na.

Diutronomi 9:21

Eghuteuna ghotilo neke eni nakhibo ka God kate horo ghotilo mumuju buluka tuana. Eghume iara neke hata buluka tuana neke koko lao ka khaꞌaghi. Aonu iara neke piphike faꞌikoi mumuju buluka tuana neke ghilei vuhai nakrofu, eghuteuna iara koko ne tei nakrofu igre ka khoꞌu te loloro sukha funu ka thogelero.

Diutronomi 9:8

Jare Thogele Sanai, ghotilo neke faꞌeiꞌei neke diꞌatagna fara Lord, eghuteuna diꞌatagna mana igne namo falehe ghami ghotilo.

Eksodas 32:1

Kate filoni naiknore Moses te au raugha fara ka thogele na te theome faghose soru na, naiknore mei ne khegra faligohoni Eron, ne cheke eghu ka mana, “Unha te thokeni Moses mae ihei teke batu ghita teke mei funu Ijep igne? Glahu keha glepo diꞌa thokeni mana jau. Eghume ghehati magnahaghei nigho iagho te horo kaisei noda god, mala ke batu ghita.”

Diutronomi 9:19

Iara mhaghu noguni fara diꞌatagna Lord na naugna mana diꞌatagna fara jateula mana tarabana teu te mala aknu falehe ghami ghotilo na. Nu Lord neke nomhini nogu tharai iara na.