Nodi Khoje Hatimare Mae Jiu 105:8 - Buka Blahi Ka Cheke Holo

⁸ U nhaꞌa cheke teke eni mana ka tahati igne, ginauna au fabrahu. Uve, mana ginauna tajini fabrahu u nhaꞌa cheke teke eni mana ka tahati te gnafa igne nei mala dila iheire la ngau nate karha mei teu ke leghuda tahati thogheiro.

Nodi Khoje Hatimare Mae Jiu 105:8 ပူးပေါင်းရင်းမြစ်များ

Diutronomi 7:9

Te mala laseni ghotilo na Lord nomi God ghotilo na, mana ngala God mae ihei te ghatho tahu ghami ghotilo na. Eghuteuna mana tajini nogna nhaꞌa cheke na, eghuteuna mana namha ghami ghotilo iheire te namhani nei leghudi teu nogna vetula mana re. Kate namhani nei leghuni teu ghotilo mana na, mana tangomana te tajini u nhaꞌa cheke na balumi ghotilo nei thumi ghotilo re eghu fabrahu ghilei posani kmana thogha finogha.

Nodi Khoje Hatimare Mae Jiu 111:5

Mana tusu lao gano koba ranghidi iheire te ghatho tahunire, naugna mana theome ghatho ihoni nogna nhaꞌa cheke teke mana ka tahati na.

Nodi Khoje Hatimare Mae Jiu 106:45

Mana kokhoni nognadi fara neke ghatho fapuloni nogna nhaꞌa cheke na, neke figri gaoghathogna na.

Nodi Khoje Hatimare Mae Jiu 105:42

Lord na theome ghatho ihoni nogna nhaꞌa cheke te blahi teke eni tifa ka mae nogna gloku Ebraham.

Ululahu Kronikols 16:15

Nhaꞌa cheke teke edi mana ka tahati ra ginauna au fabrahu tifa tifa. Uve, leuleghu fata na mana ginauna tajini nhaꞌa cheke teke eni mana ka tahati igne nei ka iheire nate karha mei ke leghuda.

Nodi Khoje Hatimare Mae Jiu 111:9

Mana neke fakarhi ghita tahati nogna naikno gre, nei eni u nhaꞌa cheke te theo ka huigna igne baluda tahati. Mana mae blahi nei nolaghi fara eghu.

Nehemaea 1:5

ne cheke eghu, “Lord God gna kligna. Iagho haghe fara, eghuteuna ghehati mhaghu nomi fara te mei namo ka iagho na. Leuleghu fata na iagho tajini nou nhaꞌa cheke na, baludi iheire te namha nigho nei leghudi teu nou chekere.

Jenesis 17:7

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Jenesis 26:3

Iagho au ngala ka namono igne, eghuteuna iara ginauna na au balumu iagho nei taji fakeli nigho iagho eghu. Iara ginauna na snakre ari ka iagho nei ka vikemu iagho gre eghu namono te gnafa igre. Iara ginauna na farerheta nogu nhaꞌa cheke teke eni iara tifa ka mae kmamu iagho Ebraham ia.

Eksodas 2:24

God nomhidi nodi tharai mare igre, eghuteuna mana filoni te au diꞌanagnafa fara mare na. Aonu mana ghathoni u nhaꞌa cheke teke eni mana ka mae Ebraham, ka mae Isak nei ka mae Jekop.

Diutronomi 7:8

Nu naugna mana namha ghami ghotilo, eghuteuna mana leghuni nhaꞌa cheke teke eni mana baludi kuꞌemi ghotilo tifa ra, mana neke fakarhi ghami ghotilo ka nogna nolaghi biꞌo na kani teke hata fajifla ghami ka khamegna king gna Ijep mala theome sneka ghotilo.

Diutronomi 7:12

Mae Moses ne cheke eghu, “Jame te leghudi nei nomhidi teu ghotilo vetula igre na, Lord nomi God ghotilo igne ginauna tajini nogna nhaꞌa cheke na eghuteuna namha ghami ghotilo fabrahu jateula teke nhaꞌa chekeni mana ka kuꞌemi ghotilo ra eghu.

Josua 21:43

Aonu Lord neke tusu lao glose ka vikegna Israel. Igre glose teke nhaꞌa cheke mana ka kuꞌedi mare tifa ra. Eghuteuna kate khotodi mare glose igre, mare ne ei nodi namono tadi.

Profet Jeremaea 11:5

Eghuteuna iara neke tajini nogu nhaꞌa cheke na neke snakreni kaisei vido glose te biꞌo ka ghotilo.” Eghuteuna glose igne thofno keli fara ka gano na maladi mae kuꞌemi ghotilora.’ ” Igne namono te au ghotilo tagna gognarogne. Kate cheke te gnafa Lord cheke igre, iara ne cheke eghu, “Tutuani fara Lord, iagho tangomana te eni unha te chekeni iagho na!”

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.