Nodi Khoje Hatimare Mae Jiu 105:41 - Buka Blahi Ka Cheke Holo

⁴¹ Mana neke eni khoꞌu na neke jifla mei ka thina biꞌo na. Khoꞌu na jateula khoꞌu biꞌo neu ne tei posa ka namono nagou te khapra fara na.

Nodi Khoje Hatimare Mae Jiu 105:41 ပူးပေါင်းရင်းမြစ်များ

Naba 20:11

Aonu mae Moses ne loku haghe khodo na ne phia fata cha lao ka thina biꞌo na, eghuteuna khoꞌu ne loloro mei, aonu naikno baludi glepo te tautagu re ne koꞌu.

Eksodas 17:6

Kate ari te posa iagho ka thina te au ka Thogele Sanai ia na, iara ginau na au jare balumu iagho. Eghuteuna iagho mala atha nou khodo ana mala puphuri ka thina na, eghuteuna khoꞌu na ginau na jifla mei ka thina tuana mala koꞌu naikno are.” Mae Moses ne eni igne ne jifla mei khoꞌu na ka thina na kate filo teu goro mae biꞌodi Israel re.

Ululahu Korin 10:4

Eghuteuna mare kafe koꞌu ka khoꞌu teke fafura mei God ranghidi ka thina teke tei baludi na. Thina igne Kraes thegna ngala.

Profet Isaia 48:21

Kani teke batudi teke mei mana kuꞌeda tahati ra ka namono nagou te brana fara na tifa ra, mare neke theome lehe ka khoꞌu. Theo. Mana neke tothora thina na neke jifla mei khoꞌu na neke koꞌu mare.

Nodi Khoje Hatimare Mae Jiu 78:20

Uve, tutuani fara, God na neke piphike thina re ne loloro mei fabiꞌo khoꞌu na, nu mana theome tangomana te tusu mei gano ka tahati na eghu.”

Nehemaea 9:15

Kate rofo naiknore, iagho neke tusu ranghidi gano teke soru mei funugna kligna. Eghuteuna kate roi koꞌu naiknore, iagho neke tusu ranghidi khoꞌu teke jifla mei funu ke lamna thina. Eghuteuna iagho neke cheke ranghidi mala tei hata kasa glose mala khotogna mare glose teke kulu nhaꞌa chekehi iagho ka mare na.