Nodi Khoje Hatimare Mae Jiu 105:3 - Buka Blahi Ka Cheke Holo

³ Tahati te hui na mala pala hagheni nanghagna Lord. Tahati glealeꞌa, naugna tahati pogho soruni mana.

Nodi Khoje Hatimare Mae Jiu 105:3 ပူးပေါင်းရင်းမြစ်များ

Lamentations 3:25

Lord na fablahidi iheire te fatutuani ni mana, nei iheire te magnahaghei lase fakelini mana.

Galesia 6:14

Nu iara theome fahaehaghedi nafnata glepo tuare. Iara ginauna tangomana te fahaehagheni kolho nogna gaju fafatha noda Lord Jisas Kraes. Naugna ka glehegna mana na, puhigna nauthoglu na theo nogna nolaghi te mala funei fruni ghau iara na. Iara tirogu leghuni fabrahu puhigna na.

Ululahu Korin 1:29

God neke eni igne mala theome tangomana kaisei naikno te fahaehaghe ka tathagna God na.

Proveb 8:17

Namha ghau iara, iara ginauna namha nigho iagho. Hiro ghau iara, iagho ginauna dei ghau iara.

Ululahu Korin 1:31

Eghume, tahati laseni gaoghathogna grioriso te blahi te cheke eghu igne, “Mae ihei te magnahaghei fahaehaghe na, mana mala fahaehaghe kolho ka unha teke enihi Lord na.”

Profet Isaia 45:25

Iara Lord, iara ginauna toghodi iheire nate karha mei ka vikegna Israel mala leghuni puhi te doglo na, eghuteuna mare ginauna na thofno kilo fnakno ghau iara.

Nodi Khoje Hatimare Mae Jiu 34:2

Iara fahaehagheni Lord fara ka nagnafagu na eidi unha teke edi mana re. Naikno te au kokhonidi ra fanomhini cheke igne mala ke au glealeꞌa.

Profet Isaia 45:19

Iara theome porudi nogu cheke re, ba poruni gaoghathogu na ka ghotilo. Eghuteuna iara neke theome cheke ghami ghotilo mala fiti hiro ghau iara kate theo nafugna. Iara Lord, iara chekeni kolho cheke te tutuani na. Uve, leuleghu fata na, iara chekeni kolho unha te doglo na.”

Nodi Khoje Hatimare Mae Jiu 9:10

Naikno te lase nigho re mare ginauna na fatutuani nigho. God, thosei figri tagrudi naikno te mei ka iagho te mala toghodi iagho re.

Nodi Khoje Hatimare Mae Jiu 104:34

God na faglealeꞌa ghau fara iara, eghuteuna iara magnahagheini mana te keli tagna ka nogu gaoghathore.