Nodi Khoje Hatimare Mae Jiu 105:16 - Buka Blahi Ka Cheke Holo

¹⁶ Lord na neke lilisei kaisei vido te ninhigrana mala theo gano ka kantri mare na, nei mana neke jaola neke fabehudi mare.

Nodi Khoje Hatimare Mae Jiu 105:16 ပူးပေါင်းရင်းမြစ်များ

Profet Esikiel 4:16

Aonu mana ne cheke eghu, “Maegna ka nauthoglu. Iara ginauna lhotini puhi te mala hata gano ka naiknodi Jerusalem gre. Mare ginauna skel kolho ghedi gano nei khoꞌu teu te mala koꞌu na, naugna gano nei khoꞌu teuna theome naba, ka puhi igne mare na diꞌanagnafadi fara nei nanga nodi fara eghu kolho. Naugna mare ne tapla jafra fabrahu ka nakhibo, eghume mare ginauna nhubradi kolho, eghuteuna mare na fififri fara kate filoni mare keha mae na.”

Profet Isaia 3:1

Fanomho mei, ghotilo naiknomi Jerusalem nei Juda! Lord mae ihei te au nolaghi fateote'o igne, ginauna atha fadelei gano nei khoꞌu eghu te magnahaghedi fara ghotilo ka nakarhami are.

Jenesis 41:54

keha fitu finogha te rofo ra ne thoke mei jateula teke chekeni mae Josep ia neu. Rofo igne ne jaola ne thokedi keha kantri te gnafa te falithui Ijep. Nu gano na ne au jare Ijep.

Levitikas 26:26

Ginauna na thoke mei thofno narane ninhigrana nate theo gano nate rofo ghotilo na, eghuteuna nabotho gaꞌase kolho nate tangomana nate kafe gahu bret ka kaisei biti kolho. Eghuteuna kate tufa ghotilo katha bret kolho, ghotilo ginauna rofo.

Mae Khuru 7:11

“Aonu kaisei behu biꞌo fara ne thokedi namono te gnafa Ijep nei Kenan. Igne ne paradi fara naiknore kate theo gna gano na. Eghuteuna mae kuꞌeda tahati re jaola neke paradi kate theome filoni gano na.

Fapea Kings 8:1

Tifa na, mae Elisa neke cheke eghu ka naikno biꞌo gna Sunem teke lehe thugna na, eghuteuna ke fakarha fapulo mae profet teku ia, “Te chekeni Lord na heva heva agne Israel na ginauna theo gano nabagna fitu finogha. Eghume te keli na iagho balugna tharaknamu na jifla ka vido igne mala tei au ka keha kantri delei.”

Jenesis 47:13

Glehe rofo na ne biꞌo fara ne theo gano heva te heva na. Vido te theo gano te rofo fara igne ne raꞌe ne diꞌa fara Ijep nei jaola ka kantri Kenan.

Thakle 6:8

Iara filo lao ne filoni kaisei hose ne jifla mei, eghuteuna thinigna hose tuana jateula teke lehehi eghu thono diꞌa fara filogna na. Nanghagna mae te gnokro ka hose tuana, “Glehe”. Eghuteuna “Hades”, namonodi naikno te lehehira, ne mei namo fara ke leghugna mana. Eghuteuna God ne tusu ranghidi ka Glehe ghe Hades u nolaghi te mala falelehe kaisei ka fati naikno te gnafa ka nauthoglu igne. Tutuani, Glehe ghe Hades tangomana te falehedi naiknore ka magra biꞌo, ka grofo, ka fogra nei ka bosu mata gna nauthoglu igne.

Profet Hagae 2:17

Mala eghu ngala, naugna iara neke kulu hohoro thina aes ka nakhete mala soru ka nomi thobi ghotilo re nu iara kuru mei nuri nabra mala brango thobi ghotilo are. Nei iara na kuru mei nakhete mala goigoni ganodi thobi ghotilo are. Neuba, ghotilo theome figri mei ka iara.

Profet Emos 3:6

Jame te kufli kate posa mei magra ka namono na, ba, naiknore na theome mhaghu? Jame kaisei namono thoke mei tagna kaisei hoholo biꞌo, unha eghu te ghathoni ghotilo na? Lord neke theome kuru meini hoholo igne? Uve, cheke igre thofno tutuani fara!

Jenesis 47:19

Ghehati theome magnahaghei te lehe ka glehe rofo na. Nei ghehati jaola theome magnahaghedi nomi glose gre te fiti chochoghei kolho na eghu. Te keli na iagho snakre ghami ghehati mala nogna mae gloku nei gaꞌase gloku eghu mae king kolho. Eghuteuna iagho jaola mala hata nomi glose ghehati gre eghu. Eghume iagho fei ghemi vido gano nei nomi sisi mala joꞌu eghu ghehati mala theome lehe ghehati. Theo. Ghehati ginauna na theome lehe, eghuteuna nomi glose gre ginauna na jaola theome chochoghei eghu.”