Nodi Khoje Hatimare Mae Jiu 105:11 - Buka Blahi Ka Cheke Holo

¹¹ Mana neke cheke eghu ka mae Jekop, “Iara ginauna snakre ari ka iagho namono Kenan ana, eghuteuna vikemu iagho re ginauna nate ke khotogna na.”

Nodi Khoje Hatimare Mae Jiu 105:11 ပူးပေါင်းရင်းမြစ်များ

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Jenesis 13:15

Namono te gnafa te filo laodi iagho are iara ginauna tusu ari ka iagho nei ka vikemu iagho gre eghu. Namono igne ginauna na nomi ghotilo fabrahu tifa e tifa.

Nodi Khoje Hatimare Mae Jiu 78:55

Aonu kate theome posa nga teu naiknore ka vido tuana, mana neke brue fajifladi naikno bongihehe teke kulu au teku jare re. Aonu mana ne tufa nodi glose naikno bongihehere ka naiknodi Israel, eghuteuna snakredi nogna naikno thegnare mala ke khotodi nodi suga tapuale naiknore.

Jenesis 28:13

Eghuteuna mae Jekop ne filoni Lord na kegra neu rhegna mana ne cheke eghu, “Iara Lord, nogna God mae kuꞌemu iagho Ebraham nei nogna God kmamu iagho Isak. Glose te thuru teu iagho igne iara ginauna tusu ari ka iagho nei ka vikemu iagho igre eghu.

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Eksodas 6:4

Iara neke famamhaku nogu nhaꞌa cheke na ka mare gnafa, eigna iara ginauna snakre lao ka mare kantri Kenan. Namono igne teke au jateula naikno posa teku kolho mare tifa na.