Nodi Khoje Hatimare Mae Jiu 105:1 - Buka Blahi Ka Cheke Holo

¹ Tahati tegioni Lord! Uve, tahati kiloni nanghagna mana na. Eghuteuna tahati toutonu ranghidi naiknodi keha kantri are unha te eni Lord na.

Nodi Khoje Hatimare Mae Jiu 105:1 ပူးပေါင်းရင်းမြစ်များ

Profet Isaia 12:4

Ka narane tuana, vikeda tahati gre ginauna koje eghu: “Tahati mala cheke tegioni Lord! Uve, tahati cheke fakelini nanghagna te biꞌo! Eghuteuna tahati toutonuni ka naiknodi keha kantri are eidi unha teke edi God ra! Tahati toutonuni nanghagna mana te haghe fara salaꞌudi keha nangha te gnafare.

Letas Teke Riso Tei Mae Pol Ka Khiloau Rom 10:13

Te chekeni ka grioriso te blahi na, “Iheire fateo te tore ka Lord re, mana ginauna fakarhidi.”

Nodi Khoje Hatimare Mae Jiu 106:1

Tahati kilo fnaknoni Lord! Tahati tegioni mana, naugna mana thofno keli fara. Uve, mana namha ghita fabrahu.

Nodi Khoje Hatimare Mae Jiu 96:3

Ghotilo cheke thakleni nogna nolaghi mana na ka naiknodi keha kantri are. Uve, ghotilo cheke thakleni nogna gloku te biꞌo ka naikno fateote'o.

Ululahu Kronikols 16:34

Tahati kilo fnaknoni Lord, naugna mana thofno keli fara. Uve, mana namha ghita fabrahu.

Mae Khuru 9:14

Eghuteuna gognaro mana mei au agne Damaskas. Mae pris ulu re ne tusu ranghini mana nolaghi te mala lokini ihei te ghatho tahu nigho na.”

Profet Daniel 3:29

Eghume, igne nogu cheke iara na. Jame ihei te cheke faparini nodi God thilo mae igre na, neubane unha kantri, ba kokholo, ba cheke, iara ginauna puri faleheni mana, eghuteuna iara ginauna paꞌe soru nogna suga mae tuana. Naugna theo kaisei god te fakarha naikno jateula God te fakarhidi thilo mae igre teuna.”

Profet Isaia 51:10

Iagho neke fota pea nhorora biꞌo na neke khapra, aonu nou naikno iagho re neke eni kaisei nabrou ka khotogna nhorora biꞌo na mala kasa ka glose te moja.

Ululahu Kronikols 29:13

Gognarona ghehati tegio nigho iagho nomi God, eghuteuna ghehati cheke fakelini nanghamu iagho na.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Profet Joel 2:32

Nu ihei te tore ka iara Lord te mala toghoni ka narane igne teuna, iara ginauna fakarhini naikno tuana. Iara neke kulu cheke ranghidi naikno te gnafa te au ka Thogele blahi Saion, eghuteuna keha naikno te au ka namono biꞌo Jerusalem ginauna rikhani glehe na. Naikno te vahi fadelei iara igre na theome lehe.”

Nodi Khoje Hatimare Mae Jiu 99:6

Mae Moses ghe mae Eron, phia mare nogna mae pris God, eghuteuna mae Samuel kaisei mae ka mae iheire neke tarai ka God. Hatimare mae igre neke tarai ka God, eghuteuna mana neke cheke tughudi nodi tharai mare re.

Ululahu Kronikols 29:20

Aonu mae Devet ne cheke eghu ka naiknore, “Cheke fakelini Lord noda God!” Aonu naiknore ne kafe cheke fakelini Lord nodi God kuꞌedi tifa ra. Mare ne kafe pogho soru ne fafnaknoni God, nei jaola fafnaknoni King Devet.

Nodi Khoje Hatimare Mae Jiu 89:1

Lord God, iara ginauna kojeni koba nou namha biꞌo iagho na, nei iara ginauna toutonuni koba eigna puhi te tajini iagho u nou nhaꞌa cheke na.

Ululahu Kronikols 25:3

Namno thugna nalhaꞌu mae Jedutun te au ka fapea tothoghei na igre: Mae Gedalaea, mae Seri, mae Jesaea, mae Simei, mae Hasabaea, nei mae Matitaea. Mae igre loku ke parigna mae Jedutun, eghuteuna mare lalahu gita, ragi nei koje mala cheke fakelini Lord nei tegioni mana.

Naba 23:23

Theo kaisei naikno te tangomana ei naitudi vikegna mae Jekob na. Eghuteuna theo kaisei mae te au nolaghi te mala goigonidi naiknodi Israel re. Gognaro na naiknore mala tonu eidi kokhologna mae Jekob, naiknodi Israel igre. Mare ginauna cheke eghu, ‘Mei ghotilo mala filoni nogna gloku God igne!’