Nodi Khoje Hatimare Mae Jiu 104:5 - Buka Blahi Ka Cheke Holo

⁵ Iagho neke hohoro famaku mala makugna nauthoglu igne, eghuteuna u nauthoglu igne ginauna theome tangomana te thugha na.

Nodi Khoje Hatimare Mae Jiu 104:5 ပူးပေါင်းရင်းမြစ်များ

Thoutonu Eigna Mae Job 26:7

God lilisei maloa ke rarugna kaisei namono nagou, eghuteuna mana eni nauthoglu igne gefe fabrahu ka vido aheva te theo kaisei glepo te loku hagheni.

Nodi Khoje Hatimare Mae Jiu 24:2

Naugna mana neke hohoro nauthoglu igne farihotei nhorora, eghuteuna famamhaku pari ka khotogna nhorora.

Nodi Khoje Hatimare Mae Jiu 33:9

Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Nodi Khoje Hatimare Mae Jiu 96:10

Ghotilo cheke eghu ka naiknodi keha kantri are, “Lord na King!” Mana neke vuavuha nauthoglu igne mala au snoto mala theome ke thugha tafri ka mala augna na. Eghuteuna Lord ginauna fatedi naiknore ka puhi te doglo.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.

Fapea Pita 3:10

Nu narane mala ke pulo meigna noda Lord na ginauna megei nga mei jateula kaisei mae te mala mei blau te theome laseni tahati narane meigna na ia eghu. Eghuteuna ka narane tuana kaisei naogla biꞌo na mei ka maloa na, eghuteuna maloa na ginauna luvu. Eghuteuna kaisei khaꞌaghi biꞌo ginauna ghamu fateo gobigna lepo te au ke lamnagna maloa na. Nauthoglu igne ginauna jaola dofini baludi gobigna lepo te au ke lamnagna re.

Nodi Khoje Hatimare Mae Jiu 136:6

Mana neke vuavuhadi moumolu te gnafa gre neke thakle haghe ke kligna nhorora. Mana ne namha ghita tahati tifa tifa.

Nodi Khoje Hatimare Mae Jiu 93:1

Lord God, iagho King! Uve, ka nanghamu nei ka nou nolaghi eghu te King iagho na. Iagho neke vuavuhani nauthoglu igne mala au fabrahu ka vido teke augna na mala theome ke thugha tafri.

Thakle 6:14

Eghuteuna u maloa na jaola ne pipiri jateula khifra neu ne tei delei. Eghuteuna thogele te gnafa nei moumolu te gnafa teure ne riu fadelei ka mala au dire.

Eklesiasti 1:4

Tahati te gnafa na karha mei ka nauthoglu igne, theome raugha tahati lehe. Nu nauthoglu igne theome ke tughu ba filo nhogri, nanaba fabrahu kolho.

Ululahu Samuel 2:8

Mana tangomana te pala haghe nakarhadi mae te kuma re. Uve, mana tangomana te kuru teidi iheire te au ka nakarha te diꞌa. Mana tangomana te toghodi mare mala kheradi mae funei, eghuteuna mana tangomana te fafnaknodi mare, mala gnokro mare baludi goro mae biꞌo. “Mana tangomana te edi glepo igre naugna famamhaku gna nauthoglu igne au ka khamegna mana kolho, mana neke fakegra hagheni nauthoglu igne ka thina te maku igne.

Nodi Khoje Hatimare Mae Jiu 119:90

U puhi te tajini fabrahu iagho nou nhaꞌa cheke na igne ginauna theome tangomana nate ari te hui na. Uve, iagho neke vuavuha nauthoglu igne mala au fabrahu tifa tifa.

Proveb 8:29

Iara neke kulu auhi neke au nga nohi te mala mei snotogna thongna gne mala thosei haghe salaꞌuni vido aheva teke chekeni mana kani neke horo famaku nauthoglu igne ka mala augna na.