Nodi Khoje Hatimare Mae Jiu 104:24 - Buka Blahi Ka Cheke Holo

²⁴ Lord God, iagho edi kmana glepo fara. Gobigna lepo igre falalase puhimu iagho te thofno keli fara na. Uve, nauthoglu igne fodu ka thua nafnotu fateote'o teke vuavuha iagho gre.

Nodi Khoje Hatimare Mae Jiu 104:24 ပူးပေါင်းရင်းမြစ်များ

Profet Jeremaea 10:12

Ka nogna gaoghatho te keli nei ka nogna glalase eghu thegna Lord neke vuavuha nauthoglu ghe maloa igre. Mana neke vuavuha glepo igre ka nogna nolaghi nei glalase eghu thegna.

Nodi Khoje Hatimare Mae Jiu 40:5

Nogu Lord God, iagho neke edi kmana glepo fara malami ghehati neku, jare na theo kaisei God te jateula iagho teuna! Iagho neke edi famane gaoghatho te keli te mala leghudi ghehati teku re. Iara theome tangomana te kahadi unha teke edi iagho mala togho ghami ghehati teku re.

Letas Teke Riso Tei Mae Pol Ka Khiloau Rom 11:33

Tutuani fara, God na keli fara ka naikno te gnafare! Nogna glalase mana na biꞌo fara nei gaoghathogna mana na krepa fara! Tahati theome tangomana te filo glanini gaoghathogna God na, tahati theome tangomana te ghatho thokedi puhigna mana re!

Efesus 3:10

Nu gognaro na God ne babana u khiloau gne mala falalase nogna glalase te keli te gnafa God ka hatimare mae engel nei keha nafnata nolaghi langau ka maloa gne.

Nodi Khoje Hatimare Mae Jiu 107:31

Eghume, mare ne tegioni God eigna nogna namha biꞌo mana ranghidi mare na, nei eidi glepo te biꞌo teke edi mana te toghodi mare re.

Nodi Khoje Hatimare Mae Jiu 24:1

Nauthoglu nei thua nafnotu fateo te au ke lamnagna igre nogna Lord, eghuteuna naikno te au tagna re jaola nogna mana.

Nodi Khoje Hatimare Mae Jiu 136:5

Mana neke vuavuhani maloa gne ka nogna glalase thegna. Mana ne namha ghita tahati tifa tifa.

Nodi Khoje Hatimare Mae Jiu 8:3

Kate filoni iara u maloa teke vuavuha iagho gne, iara ne filodi glaba nei nathunu teu are thono te famane lilisei fakeli iagho fara.

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Efesus 1:8

U khokofakasai igne mana neke tusu mei neke salaꞌui ka tahati balu gaoghatho te keli nei glalase te keli.

Jenesis 1:31

God ne filodi glepo te keli igre ne glealeꞌa fara. Rafi soru nei hamerane haghe. Igne fafamno narane na.

Thoutonu Eigna Mae Job 5:9

God edi glepo te biꞌo te theome tangomana kaisei naikno te lasedi re. Kofubobhoi te edi mana re, theo kaisei naikno te tangomana te kahadi re.

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Nodi Khoje Hatimare Mae Jiu 65:11

Iagho thofno lolokeli ranghi ghami ghehati ne fabruara kmana gano. Ka vido aheva te tei iagho na iagho tusu mei kmana gano ka naiknore.

Nodi Khoje Hatimare Mae Jiu 92:6

Lord God, iheire te theome lalase nei iheire te edi glepo te fameomekro teu igre ginauna theome tangomana te lasedire glepo igre.

Nodi Khoje Hatimare Mae Jiu 107:24

Mare la filodihi unha te edi Lord re. Nei mare lasedi fara glepo biꞌo teke edi mana ka thongnare.

Nodi Khoje Hatimare Mae Jiu 148:7

Ghotilo gobigna lepo fateote'o ka nauthoglu ra, ghotilo kilo fnaknoni Lord. Uve, ghotilo sasa biꞌo nei glepo fateo te au ka khotogna nhorora ra, ghotilo kilo fnaknoni mana.