Nodi Khoje Hatimare Mae Jiu 104:2 - Buka Blahi Ka Cheke Holo

² U naphae te au faligoho nigho ana fagaglana gna nou nolaghi biꞌo iagho na. Iagho lilisei haghe u maloa na jateula kaisei suga thapuale eghu.

Nodi Khoje Hatimare Mae Jiu 104:2 ပူးပေါင်းရင်းမြစ်များ

Profet Isaia 40:22

Lord neke edi gobigna lepo igre! Mana te funei frunini nauthoglu igne jateula kaisei mae king te gnokro ka nogna sape nafnakno ra neku. Eghuteuna ka tathagna mana na naiknore ikodi nei glaꞌe jateula cheche eghu kolho. Uve, mana eni maloa gne ne krepa fara, jateula kaisei mae te horo kaisei suga tapuale te mala au tagna ra neu.

Profet Daniel 7:9

“Kate filo teu iara na, “kaisei mae hata ne mei sape nafnakno na. Eghuteuna God mae te au funu tifa igne mei ne gnokro ka nogna sape nafnakno te mala fate naikno na. Nogna pohe na vegha fara, eghuteuna khaklagnare vegha fara la. Nogna sape nafnakno mana igne deudeplu ka khaꞌaghi, eghuteuna wil gna sape nafnakno igne ngire jateula khaꞌaghi eghu.

Profet Isaia 45:12

Iara neke vuavuha nauthoglu igne, baludi gobigna lepo te au ke lamnagna. Iara neke vuavuha naikno mala au ke lamnagna nauthoglu igne. Tutuani fara, ka nogu nolaghi iara, iara neke vuavuha maloa nei gobigna lepo te au ke lamnagna. Eghuteuna iara funei frunidi naprai nei glaba nei nathunu eghu te au ka maloa kligna.

Ululahu Jone 1:5

Gognaro na ghehati nake toutonu ari ka ghotilo cheke teke nomhini ka mae Jisas Kraes. Mana neke cheke eghu, “God na naphae, eghuteuna ka mana jare na theo kaisei gromno.”

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Matiu 17:2

Kate filo teu thilomare na, thilomare ne filoni thinigna mae Jisas na ne tughu. Tathagna nei foflogna teu manare ne siasigla fara jateula naprai neu. Eghuteuna nogna pohere ne jaola ne thono vegha fara.

Profet Sekaraea 12:1

Kaisei nogna cheke profet: Cheke igne mei funugna ka Lord eigna Israel. Lord mae ihei teke edi maloa ghe nauthoglu igne, mana neke tusu lao nakarha na ka naikno, neke cheke eghu,

Thoutonu Eigna Mae Job 9:8

Mana thegna kolho teke edi glepo te au ka maloa na are, eghuteuna mana tapla ke kligna galo mala muana nhorora na.

Thoutonu Eigna Mae Job 36:30

God eni nakafli na mala phae faligohoni mana ka maloa na, nu eni ke lamna nhorora na mala romno.

Profet Habaku 3:4

Kate mei iagho na, naiknore ginauna filoni nou nolaghi biꞌo iagho ginauna agha jateula naprai eghu ka vido te gnafa heva heva.