Nodi Khoje Hatimare Mae Jiu 103:3 - Buka Blahi Ka Cheke Holo

³ Mana hata kokodi nakhibogu iara re, eghuteuna fagaota fapulodi khabrugu iara re.

Nodi Khoje Hatimare Mae Jiu 103:3 ပူးပေါင်းရင်းမြစ်များ

Eksodas 15:26

Aonu God ne cheke eghu ranghidi naiknore, “Iara nomi Lord God ghotilo, iara neke famafodi khabrumi ghotilo ra. Jame te leghu ghau iara ghotilo te edi glepo te keli ka gaoghathogu iara re, nei leghudi nogu vetula iara re teuna, iara na theome tusu ari ka ghotilo nafnata khabru teke edi iara ranghidi mae Ijep ra teke au papara mare ra.”

Profet Isaia 53:5

Nu theo eghu, mare neke faleheni mana eidi nakhiboda tahati re, eghuteuna mare parani mana eidi puhida tahati te diꞌa gre. Mana kabru ka naꞌau papara igne, naugna igne tahati au ka pharikeli. Eghuteuna ka nafneragna mana igre, tahati ke keli fapulo.

Nodi Khoje Hatimare Mae Jiu 30:2

Nogu Lord God, iara neke tore nigho iagho neke mei togho ghau kau glehe. Iagho neke theome snakre ghau iara te tei ka namonodi mae tela lehehi ra, nu teke fakarha fapulo ghau iara na.

Profet Jeremaea 17:14

Lord, iara cheke fakeli nigho fabrahu! Fablahi ghau iara te fogra gne mala ke keli fapulo iara. Jame te fakarhi ghau iara iagho na, iara ginauna karha fabrahu.

Nodi Khoje Hatimare Mae Jiu 147:3

Iheire teke au diꞌanagnafa ra kela glealeꞌa fapulo, eghuteuna iheire teke kabru ra kela gaota fapulo.

Jemes 5:15

Te tarai ghotilo balu fatutuani na God ginauna na fakelini naikno te fogra tuana nei mana hata fadelei nakhibo jame teke edi mana re.

Profet Isaia 43:25

“Nu tutuani fara, iara Lord nomi God ghotilo. Eghuteuna iara hata koko nakhibomi ghotilo tuare leghuni puhigu iara na. Eghume iara ginauna nake theome ghathodi nakhibomi ghotilo re.

Nonomho Te Keli Teke Risoi Mae Mak 2:5

Kate filo glanini mae Jisas nodi fatutuani biꞌo mare na, mana ne cheke eghu ka mae te blughu na, “Ghema kheraguo, iara la hata fadeleihi nakhibomu iagho re.”

Naba 12:13

Aonu Moses ne tanhi tei ka Lord ne cheke eghu, “God, iara tore nigho iagho mala ke fakeli fapulo khabru igne ka naꞌa!”

Nodi Khoje Hatimare Mae Jiu 130:8

Uve, mana ginauna na fakarhi ghita tahati nogna naikno mana te au agne Israel ra ka nakhiboda fateote'o.

Efesus 1:7

Kraes neke foli fajifla ghita ka dadara glehegna ke kligna gaju fafatha jateula kaisei fafara teu te mala hata fadelei nakhiboda ka nogna khokofakasai God te bruara igne.

Fapea Samuel 12:13

Mae Devet nomhini igne ne cheke eghu, “Iara la thofno tapla jafra ke ulugna Lord.” Mae Natan ne cheke eghu ka mana, “Lord ginauna hata fadelei nakhibo teke eni iagho igne. Eghuteuna iagho na theome lehe eigna nakhibo igne.

Profet Isaia 33:24

Ka narane tuana, theo kaisei naikno ka kantri tuana nate chekeni, “Iara fogra sia” teuna, naugna Lord ginauna hata koko nakhibodi naiknogna namono tuana.

Eksodas 34:7

Iara thofno namhadi koba nogu naiknore, nei iheire nate karha mei ke leghudi mare ghilei thokeni kmana thogha finogha. Iara tangomana te atha koko nakhibodi re jame te edi mare glepo te diꞌare, ba figri tagru ghau iara, ba edi thua nafnata nakhibo. Nu iheire te gnafa te leghudi fabrahu puhi te diꞌa re, iara ginauna paradi mare, baludi thudi te gnafa nei gradi te ikodi te gnafa teu mare re, ghilei thokeni fapea gradi nei fatilo gradi nate karha mei ke leghudi mare.”

Nodi Khoje Hatimare Mae Jiu 41:8

Mare ne cheke eghu, “Mana la fograhi la theome tangomanahi te kegra mei ka sapegna na. Mana na leheu ngala.”

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Nodi Khoje Hatimare Mae Jiu 130:4

Nu atha kokodi sagho nakhibomi ghehati gre mala tangomana ghehati te ghatho tahu nigho nei tufru soru nigho teuna.

Profet Isaia 38:17

Iara nabagu te au papara na, mala filo glani iara nou namha biꞌo iagho, te fakarhi ghau iara ka hoholo biꞌo igne. Eghuteuna iagho la hata kokohi nakhibogu iara re, la koko faleghuhi ke leghumu, la ghatho iho noudihi.