Nodi Khoje Hatimare Mae Jiu 103:21 - Buka Blahi Ka Cheke Holo

²¹ Ghotilo nogna naikno gloku God te au kligna te edi unha te magnahaghedi mana ra, ghotilo cheke fakelini mana!

Nodi Khoje Hatimare Mae Jiu 103:21 ပူးပေါင်းရင်းမြစ်များ

Ululahu Kings 22:19

Nu profet Maekaea tudu ne cheke eghu, “Fanomho fakeli ka unha te chekeni Lord igne! Iara filoni ka kaisei mifi Lord te gnokro teu ka nogna sape nafnakno na kligna. Eghuteuna nogna engel mana re kegra fei nhetagna, eghuteuna kehare fei mairigna.

Luku 2:13

Eghuteuna kaisei tothoghei engel gna kligna ghosei ne mei ne salo fodu balugna engel au tekeu jare na ne kafe koje kilo fnaknoni God, ne cheke eghu,

Nodi Khoje Hatimare Mae Jiu 104:4

Iagho eꞌei nuri na mala jateula nou engel eghu te mala athadi nou chekere, nei eꞌei fila na mala jateula nou mae gloku eghu.

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Josua 5:14

Nu mae igne ne cheke eghu, “Theo, iara mei agne naugna iara mae komanda gna nogna armi Lord.” Kate nomhini mae Josua igne, mana ne pogho soru pari ne cheke eghu ka mae igne, “Mae biꞌo, iara nou mae gloku iagho. Unha te magnahagheni iagho te mala eni iara na?”

Jenesis 32:2

Kate filodi mare na mana ne cheke eghu, “Igne nogna tothoghei soldia God!” Aonu mae Jekop ne kiloni namono igne Mahanaem. Nangha igne gaoghathogna na “Phei namono” eghu.

Matiu 13:41

Iara mae teke mei funu ka God na ginauna kuru fajifladi nogu engel re. Mare ginauna vavahi fadelei ka nogna naikno God igre iheire te eꞌei puhi te diꞌa ba te fariuriu batudi keha naiknore mala theome fatutuani ni God.

Nodi Khoje Hatimare Mae Jiu 68:17

Noda Lord na neke jifla mei ka Thogele Sanai neke mei au ka nogna suga te blahi na. Mana neke mei balu nogna soldia nei kmana thogha chariot mala magra.

Nodi Khoje Hatimare Mae Jiu 33:6

Gobigna lepo ka maloa na are neke vuavuha ka chekegna Lord kolho. Naprai nei glaba nei nathunu teu are neke jifla mei ka chekegna mana.

Fapea Kronikols 18:18

Nu mae Maekaea ne cheke eghu, “Eghume fanomho fakeli ka nogna cheke Lord igne. Iara filoni Lord te gnokro teu ka nogna sape nafnakno na kligna, eghuteuna nogna engel re kegra rhegna mana, kehare fei khame nhetagna eghuteuna kehare fei khame maerigna.