Nodi Khoje Hatimare Mae Jiu 103:20 - Buka Blahi Ka Cheke Holo

²⁰ Ghotilo engel, mae te nheta nei nolaghi teu te leghudi nei fanomho teu ka nogna cheke mana ra, ghotilo cheke fakelini mana!

Nodi Khoje Hatimare Mae Jiu 103:20 ပူးပေါင်းရင်းမြစ်များ

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Nodi Khoje Hatimare Mae Jiu 148:2

Ghotilo nogna engel mana ra, ghotilo mala kilo fnaknoni Lord.

Luku 1:19

Engel na neke cheke fapulo ka mana, “Iara Engel Gabriel. Iara kegra ke ulugna God, nu mana kuru mei ghau iara ka iagho mala toutonu ranghi nigho iagho u nonomho te keli igne.

Matiu 26:53

Tutuani fara iagho lasenihi igne. Iara tangomana te toreni mae Mama te mala kuru mei kmana thogha engel te mala togho ghau iara na.

Fapea Kings 19:35

Ka bongi tuana, kaisei engel nogna Lord ne tei ka vido te au teu mae soldia di Asiria igre ne aknu falehe kaisei gobi nhanasalei glima thogha soldia. Kate dofra haghe mare ka keha narane na, mare ne filodi thinidi mae soldia te lehehi re.

Nodi Khoje Hatimare Mae Jiu 78:25

Aonu God ne tusu ranghidi naba gano ne imani mare ghedi gano engel na.

Matiu 6:10

Ghehati magnahaghe nigho te mei funei fruni ghami, nei snakre meini unha te magnahagheni iagho agne pari jateula ngau kligna.

Profet Joel 2:11

Aonu Lord ne eha fabiꞌo ka cheche te jateula nogna mae soldia teu mana igre. Aonu naoglagna mana igne thono biꞌo fara jateula te poha fila ra eghu. Neuba, cheche igre ne kmana fara nei nolaghi fara neu, rehati na leghuni kolho nogna cheke mana na. Eghume, nogna Narane Lord igne ginauna ninhigrana fara. Ihei gne te nabagna nate khegra heta kate thoke mei Narane igne na? Thono theo fara.

Nodi Khoje Hatimare Mae Jiu 29:1

Ghotilo engel te au kligna ra, ghotilo cheke fakelini Lord. Ghotilo cheke fakelini mana eidi nogna nolaghi biꞌo nei nogna famane gloku te keli eghu te edi mana re.

Profet Isaia 6:2

Hatimare mae engel ne kegra falithuini mana. Eghuteuna mare te gnafa na sopa au namno baghi, keha phei re mala toku tafru tathagna nei foflogna teure, eghuteuna keha phei re mala toku tafru thinigna na, eghuteuna keha phei re mala flalo.

Nodi Khoje Hatimare Mae Jiu 148:5

Uve, glepo te gnafa igre te keli na mala kafe kilo fnaknoni nanghagna Lord na, naugna kate cheke kolho mana na, gobigna lepo igre neke thakle mei.

Profet Daniel 11:1

Mae igne ne cheke eghu ka iara, “Ka finogha ululahu King Darius gna Pesia te funei Babilonia igne, iara neke reireghini nei toghoni neku mana mala kegra rheta mana.