Nodi Khoje Hatimare Mae Jiu 103:2 - Buka Blahi Ka Cheke Holo

² Iara mala cheke fakelini nanghagna God na, eghuteuna iara ginauna na theome tangomana te ghatho ihodi glepo te keli teke edi mana re.

Nodi Khoje Hatimare Mae Jiu 103:2 ပူးပေါင်းရင်းမြစ်များ

Profet Isaia 63:7

Iara ginauna toutonuni puhigna Lord te ghatho tahu ghita fabrahu nogna naiknore. Iara ginauna cheke fakelini mana eidi glepo te keli teke edi mana ra. Mana fakakhana te kokhoni ghita tahati naiknoda Israel, mana jaola fakakhana nogna namha te theo ka huigna.

Nodi Khoje Hatimare Mae Jiu 116:12

Unha gne nate fafara lao iara ka Lord eidi glepo te keli teke edi mana ranghi ghau iara ra?

Nodi Khoje Hatimare Mae Jiu 105:5

Tahati gne, karha mei ka vikegna mae Ebraham, nogna mae gloku Lord. Eghuteuna tahati jaola karha mei ka vikegna Jekop, mae ihei teke vavahi God. Tahati mala ghathodi koba u kofubobhoi teke edi mana ra, nei puhi te fatedi mana hatimare mae naokara.

Diutronomi 6:12

ghotilo fiofilo ghami eghu, glahu ghatho ihoni ghotilo Lord mae ihei teke hata fajifla ghami Ijep ka namono aheva teke loku jateula naikno sneka teku ghotilo ra.

Fapea Kronikols 32:25

Nu mana thono fahaehaghe fara ne theome cheke tegio eidi gobigna lepo teke edi Lord ka mana re. Aonu diꞌatagna Lord na ne soru ke klignadi naiknodi Jerusalem ghe Juda.

Diutronomi 32:18

Ghotilo tei kokoni God mae ihei teke vuavuha ghami nei nomi vido keli mala poru ghotilo. Mana neke tusu ranghi ghami nakarha. Mana tusu ari nakarha ka ghotilo, nu ghotilo ghatho ihoni mana.

Diutronomi 32:6

Ba, tuana puhi te keli te mala tegio ka Lord na? Theo. Ghotilo noli fara! Ghotilo theo kaisei nomi glalase te keli! Lord na kmami ghotilo, eghuteuna mana ngala teke vuavuha ghami ghotilo na.

Nodi Khoje Hatimare Mae Jiu 106:21

God na neke edi glepo te biꞌo fara Ijep, neke fakarhidi mare, nu mare neke theome ghathoni mana kolho eghu.

Nodi Khoje Hatimare Mae Jiu 106:7

Tifa, kani au teku Ijep mae kuꞌedara, mare neke theome filo glanidi u kofubobhoi teke edi God ra. Uve, kmana fata mare ghatho ihodi kolho puhi teke fakakhana mana nogna namha te biꞌo na ka mare ra. Mare neke figri tagruni mana ka Thongna Ukru na.

Profet Isaia 63:1

Mae sekiuriti te toetoe teu ke kligna bara thina na ne cheke eghu, “Mae ihei site mei funugna Idom ka namono Bosra ignea? Mana pipichi ka famane pohe ukru. Mana mei jateula kaisei mae te nheta nei nolaghi eghu. Nu mae ihei eghu signea?” Lord ne cheke eghu, “Iara ngala te mei igne! Iara mei mala chekeni tela uluhi iara na, naugna puhigu iara na thofno doglo fara! Eghuteuna iara au nogu nolaghi te mala fakarhi ghami ghotilo na.”

Jajis 5:2

“Kilo fnaknoni Lord! “Noda mae mala baubatu tahati ra kegra haghe mala magra, eghuteuna tahati te gnafa na glealeꞌa mala leghudi mare ka magra.

Jajis 5:9

Iara thofno glealeꞌa fara ka noda lida tahati maeda Israel. Uve, iara glealeꞌa fara ka iheire te sasaꞌa mala magra. Cheke fakelini Lord!