Nodi Khoje Hatimare Mae Jiu 103:1 - Buka Blahi Ka Cheke Holo

¹ Iara mala cheke fakelini nanghagna God na ka nagnafagu na. Uve, thinigu nei nagnafagu teugre mala cheke fakelini nanghagna mana te blahi na.

Nodi Khoje Hatimare Mae Jiu 103:1 ပူးပေါင်းရင်းမြစ်များ

Jone 4:24

God na mae tharunga, theome naikno. Eghume mae Tharunga te Blahi na falalase gobigna lepo te tutuani eigna mana re ka naikno te tarai lao ka mana na.”

Ululahu Korin 14:15

Eghume unha nate eni iara na? Uve, iara ginauna tarai ka God balugna tharungagu na, nu iara ginauna jaola tarai balugna gaoghathogu na. Eghuteuna iara ginauna koje ka God balugna tharungagu na, nu iara ginauna jaola koje balugna gaoghathogu na.

Nodi Khoje Hatimare Mae Jiu 111:1

Tahati kilo fnaknoni Lord! Ka nakarhagu fateote'o na, iara ginauna tegioni Lord ke uludi naikno te khapru mei te tarai gre.

Nodi Khoje Hatimare Mae Jiu 103:22

Ghotilo gobigna lepo teke vuavuha ghami Lord te au heva heva te funei fruni ghami mana ra, ghotilo cheke fakelini nanghagna mana na! Iara jaola cheke fakelini nanghagna mana na!

Nodi Khoje Hatimare Mae Jiu 99:3

Kaisei God ngala te blahi na nei fnakno teuna. Eghume, tahati te gnafa na mala kafe cheke fakelini nogna nafnakno mana na.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Nodi Khoje Hatimare Mae Jiu 63:5

Lord, iara thofno glealeꞌa fara ka iagho, jateula mae te ghamu gano te keli te bohora eghu. Iara thofno keli tagu fara na pala hagheni nanghamu iagho na.

Nodi Khoje Hatimare Mae Jiu 47:7

God na King ka vido te gnafa ka nauthoglu igne! Tahati cheke fakelini mana ka koje!

Filipae 1:9

Iara tarai ghami ghotilo mala kotu biꞌo ghotilo nomi namha na ranghidi kherami fofodure ka nogna puhi nei nogna glalase eghu God.

Nodi Khoje Hatimare Mae Jiu 138:1

Lord God, iara thofno cheke fakeli nigho ka gaoghathogu fateote'o. Iara koje kilo fnakno nigho ke uludi nodi god iheire te theome laseni God.

Profet Isaia 6:3

Mare kafe koje fodu eghu fabiꞌo: “Lord mae ihei te au nolaghi fateote'o, mae ihei te blahi fara! Nogna nolaghi biꞌo mana na siasigla ka vido te gnafa ka nauthoglu igne.”

Thakle 4:8

Fati glepo te karha igre sopa au namno baghi. Glepo te karha igre thinidire iko tongana ka tatha, ke lamna nei ke kosi. Bongi narane na mare theome gnafa te kojeni, “Blahi, blahi, blahi Lord God thofno nolaghi, teke au tifa, nei gognaro gne nei nake pulo mei nathuꞌu nauriha.”

Nodi Khoje Hatimare Mae Jiu 104:1

Leuleghu fata na iara magnahaghei te cheke fakelini Lord! Iagho nogu Lord God. Iagho te fnakno fara. Iagho kegra funei ka nou nafnakno nei ka nou nolaghi.

Nodi Khoje Hatimare Mae Jiu 145:1

Iara ginauna cheke thakleni nanghamu iagho na, naugna iagho ngala nogu God, nei King teu iara na. Iara ginauna na cheke fakeli nigho koba leuleghu fata.