Nodi Khoje Hatimare Mae Jiu 102:8 - Buka Blahi Ka Cheke Holo

⁸ Nogu naoka iara gre mare theome gnafa te cheke fapari ghau iara na. Iheire te maꞌe ghau iara re atha nanghagu iara na mala eꞌei puhi mala thokedi keha naiknore.

Nodi Khoje Hatimare Mae Jiu 102:8 ပူးပေါင်းရင်းမြစ်များ

Mae Khuru 26:11

Leuleghu namono na iara ruma ke lamnadi suga tharai are paradi koba nei fariuriu mala cheke fadiꞌani mare mae Jisas. Iara neke thono diꞌatagudi fara mare. Aonu iara neke tei ka keha namono te au ke kosigna namono igne mala tei hirodi nei paradi eghu.”

Mae Khuru 7:54

Kate nomhidi mae biꞌodi mae Jiure cheke mae Stivin igre, mare ne diꞌa tadi ne thono ngingiridi fara ka mae Stivin.

Profet Jeremaea 29:22

Eghume, ghotilo maemi Juda te au Babilonia ra, kate magnahaghei cheke fadiꞌani kaisei mae kherami fofodu na, ghotilo na cheke eghu ka nanghadi phei mae igre, ‘Lord ginauna goigoni nigho jateula mae Sedekaea ghe mae Ehab teke gnubra king gna Babilonia teke ghamu khaꞌaghi ra eghu.’

Profet Isaia 65:15

Naikno nate vavahi iara re ginauna cheke ka nanghami ghotilo mala cheke fadiꞌadi keha naiknore. Iara Lord ginauna falehe ghami ghotilo, nu iara ginauna tusu lao nangha majaghani ka nogu mae glokure.

Nodi Khoje Hatimare Mae Jiu 89:51

Lord God, hatimare mae naoka igre mare cheke faparini mae king teke vavahi iagho igne. Ka vido aheva te tei mana na, mare maꞌeni kolho mana.

Nodi Khoje Hatimare Mae Jiu 69:20

Nodi cheke mare te diꞌa fara igre, thofno goigonini fara gaoghathogu iara na. Eghuteuna gaoghathogu iara na thofno glaꞌe soru gognaro na. Iara ofoni kolho ihei te kokhoni ghau na, nu theo kaisei.

Nodi Khoje Hatimare Mae Jiu 55:3

Iara mhaghu nogu fara ka nodi cheke nogu naokare. Nakarhagu na faꞌiho fara eigna mae te diꞌa gre nenei ghau iara fara. Mare goigoni ghau iara fara, diꞌatadi ghau nei tirodi ghau la iara eghu.

Nodi Khoje Hatimare Mae Jiu 2:1

Naugna unha ne roghe fodu nga naikno igre te mala tapla sorudi God ghe nogna king teke vavahi God? Mare theome tangomana!

Letas Teke Riso Tei Mae Pol Ka Khiloau Rom 15:3

Naugna Kraes na neke theome edi unha te magnahaghedi thegna re. Jateula te chekeni ka grioriso te blahi, “God, u cheke te cheke fadiꞌa nigho iagho ra, cheke fadiꞌa ghau iara.”

Luku 6:11

Hatimare mae Farasi nei hatimare mae velepuhigna vetula nogna mae Moses eghu re ne thono diꞌa tadi. Mare ne cheke eghu fari thedi, “Na faꞌunhani si tahati mae Jisas gnea?”

Nodi Khoje Hatimare Mae Jiu 41:5

Nogu naoka iara gre mare diꞌatadi ka iara neke cheke eghu, “Nabagna na mana ghosei lehe kolho mala ghatho iho nodani.”

Nodi Khoje Hatimare Mae Jiu 77:5

Iara kela ghatho laodi narane tela salaꞌu ari hira, eigna u nakarhagu iara tifa ka narane tuare neke thofno keli fara.