Nodi Khoje Hatimare Mae Jiu 102:28 - Buka Blahi Ka Cheke Holo

²⁸ Iagho ginauna reireghi fakelidi thumi ghehatire. Eghuteuna iheire teke karha mei ginau ka vike ke leghudi mare re, iagho ginauna na jaola reireghidi.

Nodi Khoje Hatimare Mae Jiu 102:28 ပူးပေါင်းရင်းမြစ်များ

Profet Isaia 66:22

“Tutuani, maloa majaghani nei nauthoglu majaghani eghu teke vuavuha iara ka nogu nolaghi na igre ginauna au fabrahu tifa tifa ka tathagu iara na. Jateula tuana eghu ghotilo nei iheire nate karha mei ke leghumi ghotilo re ginauna au rheta fabrahu tifa tifa eghuteuna nanghagu iara na ginauna theo ka huigna.

Profet Isaia 53:10

Lord ne cheke eghu, “Nogu gaoghatho iara, te mala au papara nei lehe teu mae igne. Glehegna mae igne, kaisei fafara mala atha koko nakhibo, mala tangomana te filoni iheire nate karha mei ke leghugna manare. Nakarhagna mae igne ginauna brahu, eghuteuna naugna unha te edi mana re, nogu gaoghatho iara igne ginauna thoke mei tutuani.

Nodi Khoje Hatimare Mae Jiu 89:4

Iara neke cheke eghu ka mae Devet, ‘Uve, vikemu iagho na ngala te mala king koba na, eghuteuna mare na mae nheta koba.’ ”

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Thoutonu Eigna Mae Job 10:5

Ba, God, nakarhamu iagho na sokmo kolho jateula nakarhagna naikno eghu?

Profet Isaia 41:4

Ihei teke edi teke thoke mei glepo igre? Ihei teke ghathodi glepo igre tifa kani teke vuavuhagna nauthoglu igne? Iara Lord neke kulu auhi neke vuavuha nga gobigna lepo igre, eghuteuna iara ginauna au ka narane nate ari te gnafadi gobigna lepo fateote'o igre.”

Profet Isaia 43:13

Uve, iara God mae ihei te au fabrahu funu tifa na. Theo kaisei naikno te rikhani nogu nolaghi iara na, eghuteuna theo kaisei naikno nate tughu glepo teke edi iara re.” Igne chekegna Lord.

Profet Malakai 3:6

Lord mae ihei te au nolaghi fateoteo igne ne cheke eghu, “Iara Lord, iara theome tangomana teke tughu na. Eghume ghotilo vikegna mae Jekop ra ghotilo ginauna theo kaisei glepo ka nauthoglu igne nate tapla fapari ghami ba fahui ghami ghotilo.