Nodi Khoje Hatimare Mae Jiu 102:18 - Buka Blahi Ka Cheke Holo

¹⁸ Tahati mala rioriso soru glepo teke edi Lord re, mala tangomana naikno na teke karha mei ke leghure te iuꞌijudi nei cheke fakelini teu mana na. Uve, tahati rioriso eghu jare,

Nodi Khoje Hatimare Mae Jiu 102:18 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 15:4

Gobigna lepo teke rioriso soru mare ka buka blahi na tifa igre, mare neke rioriso mala farirhiu ghita tahati. Eghuteuna kate iu'ijudi grioriso igre, tahati thofno laseni God na eni ranghi ghita unha teke nhaꞌa cheke ranghi ghita na. Eghume gaoghathoda na heta fara nei tahati tangomana te ofoni God te mala togho ghita.

Profet Isaia 43:21

Iara neke chekedi nogu naiknore mala kilo fnakno ghau iara.”

Fapea Pita 1:15

Iara ginauna hata nhetagu na mala togho ghami ghotilo mala theome tangomana ghotilo te ghatho ihodi thofno farirhiu tutuani igre kate lehe iara na.

Ululahu Korin 10:11

Glepo teke edi kuꞌeda igre jateula te cheke faheta eghu ranghi ghita eigna nogna gloku God na. Naugna tahati auhi ka narane leghu lahu te mala ari te gnafagna nauthoglu igne.

Efesus 2:10

Gognaro na God nake vuavuha fapulo ghita eghuteuna tusu ranghi ghita u karha majaghani kate salo fodu ghita balugna mae Jisas Kraes. Mana neke eni igne mala tangomana tahati te edi unha gloku te keli teke kulu tarabana thegna te mala edi tahatire.

Jone 20:31

Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Profet Daniel 9:2

Ka finogha ululahu te king mae Darius igne, iara ne hironi chekegna God na ka Buka Blahi na. Ka igne iara ne ghathoni kaisei nogna cheke Lord teke cheke mana ka profet Jeremaea. Mana neke cheke eigna namono biꞌo Jerusalem teke groꞌe ka mae naoka ra. Eghuteuna namono biꞌo igne ginauna theome tangomana na teke babana fapulo na ghilei thokeni fitu salei finogha.

Profet Isaia 43:7

God neke kafe vuavuhadi mare gnafa mala nogu naikno iara, eigna iara magnahaghedi mare mala ke pulo mei mala kilo fnaknoni nanghagu iara na.”

Nodi Khoje Hatimare Mae Jiu 71:18

Gognaro na iara la mae biꞌohi la nufahi khaklagure, God thosei tei koko ghau iara. Au balugu kate chekeni iara nou nolaghi iagho na ka naikno nate karha mei ke leghugu iara re.

Nodi Khoje Hatimare Mae Jiu 48:13

Ghotilo ghatho fakelini bara thina te falithuini namono Saion, eghuteuna ghotilo filo ka suga te famaku are eghu. Eghume, ghotilo ginauna tangomana te cheke eghu ka thumire, “God te au Saion igne, noda God tahati fabrahu. Mana ginauna mala au ului mala batu ghita ka nabrou aheva nate tei tahati na.”

Eksodas 17:14

Ke leghugna igne Lord ne cheke eghu ka mae Moses, “Rioriso eigna magra igne nei unha cheke igne eghu, eigna iara ginau na dalu koko fahui naiknodi Amalek gre mala theo kaisei naikno ka nauthoglu igne nate ghathodi re. Eghuteuna iagho iu'iju fabiꞌo ranghini mae Josua mala nomhini la ngau mana eghu.”

Nodi Khoje Hatimare Mae Jiu 69:34

Gobigna lepo te au ka maloa gne nei gobigna lepo te au ka nauthoglu igne eghu ghotilo cheke fakelini God. Uve, gobigna lepo te au ke lamna nhorora ra, ghotilo jaola cheke fakelini mana.