Nodi Khoje Hatimare Mae Jiu 100:5 - Buka Blahi Ka Cheke Holo

⁵ Lord na thofno keli fara, nei mana namha ghita fabrahu. Eghuteuna nogna nhaꞌa cheke na theo ka huigna.

Nodi Khoje Hatimare Mae Jiu 100:5 ပူးပေါင်းရင်းမြစ်များ

Nodi Khoje Hatimare Mae Jiu 106:1

Tahati kilo fnaknoni Lord! Tahati tegioni mana, naugna mana thofno keli fara. Uve, mana namha ghita fabrahu.

Nodi Khoje Hatimare Mae Jiu 107:1

Tahati tegio ka Lord, naugna mana thofno keli fara! Uve, naugna mana namha ghita fabrahu!

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Nodi Khoje Hatimare Mae Jiu 36:5

Lord, nou namha iagho na thono biꞌo fara tei posa ka maloa gro. Puhi te tajini fabrahu iagho nou nhaꞌa cheke na biꞌo fara tei posa ka khoveo gro.

Profet Jeremaea 33:11

naiknore na eha fabiꞌo, naugna mare ne thono gleale'a fara. Mare jaola na nomhidi khojedi mae sua nalhaꞌu nei goro sua gaꞌase ka gaghamu tholaghi. Eghuteuna mare tangomana te nomhidi naikno te atha gano te tei ka Sugablahi na mala kilo fnakno ka iara. Naikno igre ginauna eha eghu: “ ‘Tahati cheke fakelini Lord mae ihei te au nolaghi fateote'o, naugna mana thofno keli fara. Uve, mana namha ghita fabrahu.’ Glepo igre thoke mei naugna iara ginauna eni nomi glose ghotilo igne mala ke keli fapulo jateula tifa ia eghu.” Igne cheke gna Lord.

Ululahu Kronikols 16:34

Tahati kilo fnaknoni Lord, naugna mana thofno keli fara. Uve, mana namha ghita fabrahu.

Nodi Khoje Hatimare Mae Jiu 103:17

Nu God namha ghita tahati iheire te ghatho tahudi nei leghudi teu fabrahu nogna chekere. Eghuteuna mana ginauna na jateula tuana eghudi fabrahu thuda nei grada teu tahati te karha mei thogheiro re.

Luku 1:50

Mana kokhoni nognadi nei namhadi eghu naikno te gnafa te ghatho tahuni mana re, funu ka naikno tifa te ghilei posa ka naikno te theome karha nga teure.

Profet Nahum 1:7

Lord na thofno keli fara. Mana tangomana te reireghi fakelidi nogna naiknore ka narane te thoke mei puhi biꞌo ka mare na. Mana nodi vido keli mala poru iheire te fatutuani ni mana re.

Nodi Khoje Hatimare Mae Jiu 119:68

Iagho keli fara nei eni unha te keli na eghu ranghi ghau iara. Eghume, farirhiu ghau iara sagho nou vetulare eghu.

Fapea Kronikols 5:13

Eghuteuna kate koje teu mae te mala koje gre, hatimare mae pris gre ifu ka trampet, eghuteuna keha maere mare lalahu ka simbol nei ghita. Nodi khoje mare igre famane fara fanomhodi re. Mare koje mala kilo fnaknoni Lord, ne cheke eghu: “Lord thofno keli fara, eigna Mana ghatho ghita fabrahu.” Aonu kaisei khoveo mei ne fodu ka Sugablahi na,

Nodi Khoje Hatimare Mae Jiu 107:22

Mare fafara mala tegio ka mana, mare mala toutonu ka khoje glealeꞌa eidi thua nafnotu teke edi mana re.

Nodi Khoje Hatimare Mae Jiu 107:8

Eghume, mare ne tegioni God eigna nogna namha biꞌo mana ranghidi mare na, nei eidi glepo te biꞌo teke edi mana te toghodi mare re.

Nodi Khoje Hatimare Mae Jiu 85:10

God namhadi fabrahu nogna naiknore, naugna igne mare mala fatutuani nei leghuni eghu God. Uve, iheire te doglo puhidire God ginau tusu ranghidi u pharikeli.

Esra 3:11

Eghuteuna mare koje ne kilo fnaknoni Lord nei mala tegioni mana. Mare koje ne cheke eghu, “Lord na thofno keli fara! Eghuteuna nogna namha ranghini Israel theo ka huigna!” Naiknore ne kafe koje fabiꞌo mala kilo fnaknoni Lord, naugna gloku te lilisei thina biꞌo ka khotogna Sugablahi igne la fufunu gognarona.

Taetus 1:2

Mana magnahaghei ghita tahati te mala hata u karha te theo ka huigna na. Eghuteuna, tahati rouronu eigna u nakarha igne naugna God neke kulu nhaꞌa chekenihi igne funu tifa kani theome vuvuha nga tekeu u nauthoglu igne. Nu tahati kafe laseni God na theome tangomana te chaghi ghita tahati na.

Nodi Khoje Hatimare Mae Jiu 52:1

Iagho mae biꞌo te nheta fara kau magra ia, naugna unha sagho te fahaehaeghedi fara puhi te diꞌa grea? Eigna puhigna God te keli ranghini naikno na au fabrahu tifa tifa.

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Nodi Khoje Hatimare Mae Jiu 107:15

Mana neke fadidiꞌa grengathagna suga sosolo teke hohoro mare ka bras na, nei lolhopa aean teke loku mare na. Uve, mana neke atha fajifladi hui. Eghume mare tegioni nogna namha biꞌo God na, nei glepo te biꞌo teke edi mana teke toghodi mare na eghu.

Diutronomi 7:9

Te mala laseni ghotilo na Lord nomi God ghotilo na, mana ngala God mae ihei te ghatho tahu ghami ghotilo na. Eghuteuna mana tajini nogna nhaꞌa cheke na, eghuteuna mana namha ghami ghotilo iheire te namhani nei leghudi teu nogna vetula mana re. Kate namhani nei leghuni teu ghotilo mana na, mana tangomana te tajini u nhaꞌa cheke na balumi ghotilo nei thumi ghotilo re eghu fabrahu ghilei posani kmana thogha finogha.

Nodi Khoje Hatimare Mae Jiu 146:6

Lord mae ihei teke vuavuhadi maloa, nauthoglu, nhorora nei gobigna lepo teu te au ke lamnadi. Mana theome chaichaghi ghita, nu mana tathajini fabrahu nogna nhaꞌa cheke na.

Nodi Khoje Hatimare Mae Jiu 25:8

Naugna Lord na mae doglo nei mae keli eghu, mana farirhiudi naikno te diꞌa re mala leghuni puhigna mana na.

Nodi Khoje Hatimare Mae Jiu 138:8

Lord God, iara laseni, iagho ginauna edi unha teke nhaꞌa chekedi iagho ka iara ra, naugna nou namha iagho ka ghehati na theome tangomana te hui na. Thosei tei koko ghami ghehati nou naikno iagho teke vuavuha themu gre sagho.