Nodi Khoje Hatimare Mae Jiu 100:4 - Buka Blahi Ka Cheke Holo

⁴ Ghotilo tei! Ruma ka nogna Sugablahi mana na mala cheke fakelini mana. Uve, tahati cheke fakelini nei tegioni eghu mana.

Nodi Khoje Hatimare Mae Jiu 100:4 ပူးပေါင်းရင်းမြစ်များ

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Ululahu Kronikols 29:13

Gognarona ghehati tegio nigho iagho nomi God, eghuteuna ghehati cheke fakelini nanghamu iagho na.

Nodi Khoje Hatimare Mae Jiu 66:13

Iara ginauna gahu nogu fafara na ka sugamu iagho na. Uve, iara ginauna tusu ari glepo teke kulu nhaꞌa chekedihi iara ka iagho ra.

Profet Isaia 35:10

Uve, iheire teke foli fapulodihi Lord ra ginauna nake pulo mei Jerusalem. Eghuteuna ka narane teke pulo mei mare Saion na, mare ginauna eha fabiꞌo, naugna mare ne glealeꞌa fara. Mare ginauna theome tangomana te diꞌanagnafa nei tanhi teuna, naugna mare glealeꞌa fabrahu kolho ka namono igne.

Nodi Khoje Hatimare Mae Jiu 96:2

Uve, ghotilo koje ranghini Lord, nei pala hagheni nanghagna mana na! Leuleghu narane na ghotilo cheke thakleni mana, eigna mana neke fakarha ghita.

Ululahu Kronikols 29:20

Aonu mae Devet ne cheke eghu ka naiknore, “Cheke fakelini Lord noda God!” Aonu naiknore ne kafe cheke fakelini Lord nodi God kuꞌedi tifa ra. Mare ne kafe pogho soru ne fafnaknoni God, nei jaola fafnaknoni King Devet.

Nodi Khoje Hatimare Mae Jiu 65:1

God, ghehati na haghe ka Thogele Saion mala pala hagheni nanghamu iagho na. Eghuteuna ghehati na edi unha teke mala edi teku teke nhaꞌa chekedi ghehati tifa ra.

Nodi Khoje Hatimare Mae Jiu 95:2

Tahati tei ka Sugablahi mala cheke fakelini nei kilo fnaknoni eghu mana ka khoje.

Nodi Khoje Hatimare Mae Jiu 96:8

Nanghagna na thofno fnakno kligna lahu, eghume ghotilo cheke fakelini mana. Eghuteuna ghotilo tusu mei nomi fafara re ka nogna Sugablahi igne.

Nodi Khoje Hatimare Mae Jiu 99:3

Kaisei God ngala te blahi na nei fnakno teuna. Eghume, tahati te gnafa na mala kafe cheke fakelini nogna nafnakno mana na.

Nodi Khoje Hatimare Mae Jiu 122:4

Igne namono aheva tahati nogna naikno Lord ra te mala mei tegioni mana, jateula teke chekeni ia eghu.