Nodi Khoje Hatimare Mae Jiu 100:1 - Buka Blahi Ka Cheke Holo

¹ Ghotilo naikno te gnafa ka nauthoglu igne, koje fabiꞌo ranghini Lord!

Nodi Khoje Hatimare Mae Jiu 100:1 ပူးပေါင်းရင်းမြစ်များ

Nodi Khoje Hatimare Mae Jiu 98:4

God na noda King tahati! Eghume, tahati te gnafa ka nauthoglu igne mala kafe glealeꞌa! Tahati mala glealeꞌa nei thagru eghu, nei kilo fnaknoni mana ka khoje balu glealeꞌa. Tahati mala koje ka gita, nei ifu ka khufli nei phoposa, kate glealeꞌa nei koje kilo fnaknoni teu tahati mana na!

Luku 19:37

Mae Jisas mei ne namo Jerusalem ka pesigna Thogele Gaju Olivi. Aonu, nogna mae fanomho manare ne kafe gleale'a fara. Mare ne funu eha ne cheke fakelini God, eidi kofubobhoi teke filo tathadi thedire.

Profet Sefanaea 3:14

Ghotilo naiknomi Israel! Ghotilo eha nei koje balu gleale'a! Ghotilo naiknomi Jerusalem, gleale'a ka nagnafami fateote'o!

Nodi Khoje Hatimare Mae Jiu 32:11

Ghotilo naikno te doglo fara puhimira, ghotilo kelitami nei glealeꞌa eghu ka glepo te keli te edi Lord re! Ghotilo naikno te keli ka tathagna Lord ra, ghotilo mala glealeꞌa balu koje fabiꞌo!

Letas Teke Riso Tei Mae Pol Ka Khiloau Rom 15:10

Eghuteuna jaola cheke eghu ka grioriso te blahi na, “Ghotilo iheire te theome Jiura, ghotilo tangomana te au gleale'a baludi nogna naikno God are.”

Nodi Khoje Hatimare Mae Jiu 66:1

Tahati cheke fakelini God! Tahati glealeꞌa, tahati koje ranghini mana!

Diutronomi 32:43

“Ghotilo te gnafa klignara, ghotilo mala glealeꞌa balugna Lord. Ghotilo god te gnafa ra, ghotilo pogho soru ka mana. Lord ginauna nake tughu fapulo glehedi goro thugna mana ra. Nu ginauna mana hata fadelei nakhibodi nogna naiknore, eghuteuna nodi glose re ginauna na klino ka tathagna mana.”

Nodi Khoje Hatimare Mae Jiu 145:1

Iara ginauna cheke thakleni nanghamu iagho na, naugna iagho ngala nogu God, nei King teu iara na. Iara ginauna na cheke fakeli nigho koba leuleghu fata.

Nodi Khoje Hatimare Mae Jiu 47:1

Ghotilo naikno ka namono te gnafa ra! Ghotilo kafe proaposa! Koje fabiꞌo balu glealeꞌa nei kilo fnaknoni God.

Profet Sekaraea 14:9

Lord ginauna King ka nauthoglu igne. Ka narane tuana, Lord ngala God na, eghuteuna naikno te gnafa heva te heva ka nauthoglu igne ginauna pogho soru ka mana kolho.

Nodi Khoje Hatimare Mae Jiu 67:4

Naiknore na koje balu glealeꞌa, naugna iagho ginauna fatedi naiknore ka puhi te doglo, eghuteuna iagho na batudi naikno te gnafa ka nauthoglu igne.

Nodi Khoje Hatimare Mae Jiu 66:4

Naikno te gnafa ka nauthoglu igne mare tufru soru nigho. Mare koje ne pala hagheni nanghamu na.”

Nodi Khoje Hatimare Mae Jiu 47:5

Noda Lord na kela pulohi kligna. Mana gognaro na gnokro ka nogna sape nafnakno na. Eghuteuna kate haghe mana kligna na naiknore keli tadi ne eha fabiꞌo balu khufli.

Nodi Khoje Hatimare Mae Jiu 68:32

Ghotilo naikno te gnafa ka nauthoglu ra koje mala pala hagheni nanghagna noda God.