Nodi Khoje Hatimare Mae Jiu 10:9 - Buka Blahi Ka Cheke Holo

⁹ Mana poru efrau jateula lion te efra teu ka gluma thina ra eghu. Mana poru ofodiu iheire te kuma mala fakhaledi ka nogna phighoro na, mala korho teidi delei.

Nodi Khoje Hatimare Mae Jiu 10:9 ပူးပေါင်းရင်းမြစ်များ

Nodi Khoje Hatimare Mae Jiu 17:12

Hatimare jateula lion te ofo ghau teu iara ra eghu. Hatimare magnahaghei te kina sasakani thinigu iara na mala breku theo tokagna.

Nodi Khoje Hatimare Mae Jiu 59:3

Filo sagho. Mare poru mala falehe ghau iara. Mae te diꞌa igre mare khapru poru au mala magri ghau iara. Lord, iara gne neke theome eni kaisei najafra nei neke theome huhughuni eghu nou vetula iagho na, ba iara neke theome eni kaisei nakhibo. Nu mare ghosei ne tei poru mala magra ka iara.

Profet Maeka 7:2

Uve, jateula nafnata puhi tuana eghu mana theome tangomana te filoni kaisei gano na, ka kantri igne, theo kaisei naikno te leghuni puhigna God te doglo na. Theo kaisei naikno te ghatho tahuni God. Naikno te gnafa gre ofou kolho te mala aknu faleheni keha mae na. Mare jateula mae ihei te horo phighoro te mala fakhale nanghaji ra eghu chaghidi kheradi thedi re.

Nodi Khoje Hatimare Mae Jiu 35:10

Eghuteuna ka nagnafagu fateo na iara ginauna cheke eghu ka God, “Theo kaisei naikno te jateula iagho teuna, iagho togho fakelidi naikno te nigra re. Eghume naikno te nheta re theome tangomana te goigonidi re naikno te kumare.”

Jone 10:12

Te mae gloku kolho mana te theome khotodi mana sipure, mana tangomana te rikha kokodi u sipure kate filoni mana te mei khuma fakaukathu na. Aonu khuma fakaukathu igne ginauna mei hata kehare, eghuteuna keha sipure na rikha tafri.

Profet Sekaraea 11:3

Mae mala reireghi sipu ra diꞌanagnafa nei tanhi fara, naugna vido te au famane buburu tadi ra la dofidihi. Lion ra jaola tanhi, naugna namhata biꞌo rhegna Khoꞌu biꞌo Jordan aheva te mala au dire la diꞌahi.

Profet Habaku 3:14

Mae naokare mei jateula saeklon eghu na khi ghami ghehati. Mae naoka igre keli tadi fara kate filoni mare te au kokhoana naikno te kumare. Nu ka narane igne, iagho neke fada falehe ka jata nodi kapten mae naokara.

Profet Emos 3:4

Lion te au teu mata na ginauna eha fabiꞌo kate hata ghegna gano na. Jame kaisei lion majaghani au lamna khora thina, ba, naꞌa na eha kate rofo na? Uve!

Profet Esikiel 22:29

Naiknore chaghi nei blau eghu farithedi. Mare fakokhoanadi naikno te kuma nei paradi naiknodi keha kantri te mei au baludi. Uve, mare tapla sorudi pari naikno phosa te au baludi re nei chaghi di ka fate na eghu.

Lamentations 3:10

Mana ofo ghau iara, jateula bea ba lion te ofo teu te mala hata unha te mei salaꞌu jare na mala ghamu.

Profet Isaia 32:7

Puhigna mae te chaichaghi igne jaola diꞌa fara, eghuteuna leuleghu fata na mana ghaoghaho te mala goigonidi naikno te kuma re, neuba mare ne doglo neu kolho.

Profet Isaia 3:15

Theome doglo te goigonidi ghotilo nogu naikno iara igre, eghuteuna puhi te eni ghotilo igne, jateula te tapla ka phaꞌudi naikno te kuma ra eghu thofno diꞌa fara.” Igne nogna cheke Lord mae ihei te au nolaghi fateote'o.

Proveb 28:15

Mae lida gna kantri te eni puhi te diꞌa na, eghuteuna tapla faparidi naikno te kumare teuna, mana jateula lion te rofo fara, ba jateula bosu mata te chari te mei ra eghu kolho.

Proveb 22:16

Kaisei mae chaghini mae te kuma na mala tangomana mana te dedei na, eghuteuna keha mae na tufa namha ka mae te dedei na, phei mae igre ginauna na kafe kuma.

Proveb 14:31

Mae te fakokhoanani naikno te kuma na, mana theome ghatho tahuni Lord mae ihei teke vuavuhani naikno na. Nu mae te keli ranghini naikno te kuma na, mana ghatho tahuni Lord.

Nodi Khoje Hatimare Mae Jiu 140:5

Naikno te fahaehaghe are la kulu roghenihi te mala loki ghau iara na. Uve, mare la kulu kaikalitihi te mala loki ghau iara na, jateula naikno te kaikaliti fangna te mala ugra sasa ra eghu.

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”

Mae Khuru 23:21

Nu thosei fatutuanidi mare! Naugna naba phiatutu mae salaꞌui poru ofou mala faleheni mae Pol. Mare la kulu enihi kaisei nhaꞌa cheke biꞌo mala theome ghamu ba theome koꞌu ghilei faleheni mana! Gognaro mare ofoniu kolho chekemu iagho na.”

Profet Habaku 1:15

Mae naokadi Babilonia igre korho naikno tei ka sosolo jateula mae te korho sasa ra eghu. Mae igre huhurudi naiknore mala jifla ka nodi namonore, jateula sasa te korho haghe ke lamna fangna re eghu. Eghuteuna kate eni igne, mare ne eha fabiꞌo, naugna mare gleale'a fara.

Profet Jeremaea 5:26

“Keha mae ka ghotilo ofo naikno koba ka geri nabrou mala eni puhi te diꞌa na. Mae igre jateula mae ihei te ofo nanghaji te mala fakhale ka nogna fangna ra eghu theome keli puhidire.

Nodi Khoje Hatimare Mae Jiu 37:14

Mae te diꞌare na korho fajifla nodi naflahi mala magra re nei na kulu lolho nodi phalohore eghu mala fadi falehedi naikno te kuma nei au kokhonidi teure, nei mala goigonidi eghu naikno te edi puhi te kelire.

Nodi Khoje Hatimare Mae Jiu 109:31

Naugna Lord na bara fothidi iheire te kuma, nei fakarhidi ka iheire te chekeni, “Mae igre mala lehe” teu are eghu.