Nodi Khoje Hatimare Mae Jiu 10:5 - Buka Blahi Ka Cheke Holo

⁵ Nu God, iagho theome fateni kolho mana! Mae te diꞌa igne theome magnahaghei te pari ka nogna chekere. Mana cheke fadiꞌadi nei maꞌedi eghu nogna naokare.

Nodi Khoje Hatimare Mae Jiu 10:5 ပူးပေါင်းရင်းမြစ်များ

Profet Isaia 26:11

LORD! Iagho ghae haghehi khamemu na paradi mare, nu mare theome tangomana kolho te filo glani na. Falase ranghidi sagho puhimu iagho te ghatho tahudi nou naiknore igne, mala mamaja nodi naikno te leghudi puhi te diꞌa igre. Eghuteuna iagho mala gahudi ka khaꞌaghi teke kulu tarabanahi iagho maladi nou naoka re teku ia.

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”

Letas Teke Riso Tei Mae Pol Ka Khiloau Rom 3:16

eghuteuna kate tei ka namono te gnafa aheva te tei na, mare ne lalamadi namonore nei jaola fadiꞌadi naiknore.

Profet Hosia 14:9

Ihei te lalase na, naikno tuana ginauna lase fakelidi cheke te edi iara ka buka na igre, nei tathaji fakeli ka nagnafagna na. Eigna puhigna Lord na thofno doglo fara. Eghuteuna ihei te doglo na mala leghuni puhigna mana na. Nu ihei te diꞌa na theome tangomana te leghuni puhigna God na, naugna naikno igne theome ghatho tahuni puhi te doglo na.

Profet Hosia 9:9

Ghotilo edi kmana nafnata puhi te diꞌa igre. Eghuteuna puhimi ghotilore jateula puhidi mae kuꞌemi tifa ka namono Gibea ra eghu. Nu Lord na theome ghatho ihodi puhimi ghotilo te diꞌare. Naugna igne, mana ginauna para ghami ghotilo.

Profet Isaia 42:25

Mana thono diꞌatagna fara ka tahati. Naugna igne te para ghita fara mana na, nei para ghita kate magra na. Diꞌatagna mana ka tahati igne thono biꞌo fara jateula kaisei khaꞌaghi biꞌo te gnhubra fahui namono te gnafa agne Israel igre eghu. Nu neuba ngau, tahati theome hata gaoghatho ka igre mala ke tughu puhidare.

Profet Isaia 28:15

Naugna ghotilo neke chekeni te ghotilo neke eni kaisei nhaꞌa cheke balugna Glehe, eghuteuna ghotilo jaola neke nhaꞌa cheke balugna Beku. Eghume te ghathoni ghotilo na ghotilo ginauna na theome tangomana te lehe na jame te thoke ghami puhi biꞌo na, naugna ghotilo rouronudi nomi cheke chaichaghi nei saosagro teu are nate fakarhi ghami na.

Profet Isaia 10:1

Kokhonidi fara iheire te baubatu ka kantri Israel! Mare lisei vetula majaghani te theome doglo nei ninhigrana fara eghu ranghidi naiknore.

Profet Isaia 5:12

Kate ei gaghamu na, leuleghu fata na ghotilo lalahu gita nei dram ikoi, eghuteuna ghotilo ifu babuban balu koꞌu beer mala gleale'a nomi, eghuteuna ghotilo theome tangomana te ghathodi unha teke edi Lord ka ghotilo ra.

Proveb 24:1

Iagho thosei goghotu di naikno te diꞌa re, ba fren baludi.

Proveb 15:24

Mae te autagna gaoghatho te keli na, mana tangomana te tei ka nabrou te haghe kligna te mala athini u karha na. Eghume, mana theome tangomana te soru pari ka namonodi mae tela lehehi ra.

Proveb 2:15

Naugna puhidi naikno igre theome doglo, tutuani fara.

Proveb 2:13

Nafnata naikno igre la snivihi, eghuteuna gognarona auhi kate romno.

Proveb 1:19

Mae te magnahaghei hata nogna kmana glepo thegna ka puhi te diꞌa na, nafnata mae igne ginauna khale kau glehe.

Ululahu Kings 20:13

Nu ka narane tuana la, kaisei mae profet ne tei ka King Ehab ne cheke eghu ka mana, “Lord ne cheke eghu, ‘Nogna soldia King Ben-Hadad igre kmana fara, nu iagho thosei nanga nou eghu. Naugna gognarona ghotilo ginauna uludi mare, eghume ghotilo ginauna lase ghau iara Lord.’ ”

Fapea Samuel 5:6

Kaisei fata, king ne haghe Jerusalem balu nogna soldia mala magra ka vikegna mae Jebus te au jare. Mare ne cheke eghu ka mae Devet, “Ghotilo theome tangomana te ruma mei ka nomi namono ghehati igne. Neubane mae te dofu ba mae te blughu, mare nabadi te kegra fanogra ghami ghotilo na.” Te ghathoni mare na, “Mae Devet gne theome tangomana te ruma mei agne na.”

Jajis 9:38

Aonu Sebul ne cheke eghu ka mana, “Aheva nou cheke fahaehaghe iagho ia? Iagho neke cheke eghu, ‘Naugna unha si tahati te edi koba glepo te chekedi Abimelek grea?’ Jare mae iheire teke cheke faparidi iagho ra! Tei sagho magra ka mare!”

Jajis 9:27

Eghuteuna mare tei ka nagare grep na ne ukli sisi mala ei waen. Mare te gnafa na ne eni kaisei gaghamu biꞌo ke lamnagna nogna suga nodi god na. Ka gaghamu igne mare loku ka ghamu na nei koꞌu na neu, eghuteuna mare ne cheke faparini Funei Abimelek.

Thoutonu Eigna Mae Job 24:23

Glahula God na snakredi mare mala au ka vido te keli, eghuteuna gaoghathodi mare na ne au fakeli neu eghu, nu leuleghu fata na God na filo tutu ka puhidi mare re.